പാക്കിസ്ഥാന്‍ ക്രിക്കറ്റ് ടീം പരിശീലകന്‍ വഖാര്‍ യൂനിസ് സ്ഥാനമൊഴിഞ്ഞു. ഞായറാഴ്ച അവസാനിച്ച ട്വന്റി 20 ലോകകപ്പിന്റെ ഗ്രൂപ്പ് ഘട്ടത്തില്‍ പുറത്തായതിനു പിന്നാലെയാണ് വഖാര്‍ പരിശീലക സ്ഥാനമൊഴിഞ്ഞത്. ലോകകപ്പില്‍ ഇന്ത്യയോടും ന്യൂസിലന്‍ഡിനോടും ഓസ്‌ട്രേലിയയോടും പാക്കിസ്ഥാന്‍ പരാജയപ്പെട്ടിരുന്നു. ദുര്‍ബലരായ ബംഗ്ലാദേശിനോട് മാത്രമാണ് അഫ്രീദിയുടെ ടീമിന് ജയിക്കാന്‍ കഴിഞ്ഞത്. ലോകകപ്പ് പുറത്താകലിനുശേഷം പാക് ടീമിലെ മുതിര്‍ന്ന താരങ്ങളെ നിശിതമായി വിമര്‍ശിച്ചുകൊണ്്ട് വഖാര്‍ യൂനിസ് പാക് ക്രിക്കറ്റ് ബോര്‍ഡിന് നല്‍കിയ റിപ്പോര്‍ട്ട് വിവാദമായിരുന്നു. റിപ്പോര്‍ട്ടിലെ നിര്‍ദേശങ്ങള്‍ നടപ്പാക്കപ്പെടുമെന്നാണ് പ്രതീക്ഷിക്കുന്നതെന്ന് രാജിക്കാര്യം അറിയിച്ചുകൊണ്്ട് നടത്തിയ പത്രസമ്മേളനത്തില്‍ വഖാര്‍ പറഞ്ഞു.2015ലാണ് വഖാര്‍ പാക് ക്രിക്കറ്റ് ടീം പരിശീലക സ്ഥാനം ഏറ്റെടുത്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha