സച്ചിന്റെ വിടവാങ്ങല് മത്സരം; ടിക്കറ്റുകളുടെ ഓണ്ലൈന് വില്പന തടസപ്പെട്ടു
സച്ചിന് ടെണ്ടുല്ക്കറുടെ വിടവാങ്ങല് ടെസ്റ്റിനായുള്ള ടിക്കറ്റുകളുടെ ഓണ്ലൈന് വില്പന തടസപ്പെട്ടു. വെബ്സൈറ്റ് തകരാറിലായതിനെ തുടര്ന്നാണ് ടിക്കറ്റ് വില്പന തടസപ്പെട്ടത്. രാവിലെ 11 മണിക്ക് വില്പന തുടങ്ങി മിനിറ്റുകള്ക്കുള്ളില് തന്നെ വെബ്സൈറ്റ് തകരാറിലാവുകയായിരുന്നു.
ആരാധകര് കൂട്ടത്തോടെ വെബ്സൈറ്റ് സന്ദര്ശിച്ചതോടെ സൈറ്റ് ഡൗണ് ആവുകയായിരുന്നു. ഇതോടെ ഓണ്ലൈന് വഴി ടിക്കറ്റെടുക്കാനിരുന്ന പലരും നിരാശയിലായി. അഞ്ഞൂറിന്റെയും ആയിരത്തിന്റെയും രണ്ടായിരത്തി അഞ്ഞൂറിന്റെയും ടിക്കറ്റുകളാണ് ഓണ്ലൈനിലൂടെ ലഭിക്കുക.
ഒരാള്ക്ക് രണ്ടു ടിക്കറ്റുകള് മാത്രമേ ബുക്കു ചെയ്യാന് കഴിയുകയുള്ളു. ടിക്കറ്റുകള് കൂട്ടത്തോടെ ബുക്കു ചെയ്ത് കരിഞ്ചന്തയില് വില്ക്കുന്നത് തടയാന് വേണ്ടിയാണ് ഈ പരിധി ഏര്പ്പെടുത്തിയിരിക്കുന്നത്. 14 മുതലാണ് വാങ്കഡെയില് മത്സരം ആരംഭിക്കുന്നത്.
ആകെ 33000 ടിക്കറ്റുകളില് 5000 മാത്രമാണ് പൊതുജനങ്ങള്ക്കായ് മാറ്റിവച്ചിരിക്കുന്നത്. മറ്റുള്ളവയെല്ലാം അസോസിയേഷനുമായി ബന്ധപ്പെട്ട സംഘടനകള്ക്കും സ്പോണ്സര്മാര്ക്കും വേണ്ടി മാറ്റിവെച്ചിരിക്കുകയാണ്. വെബ്സൈറ്റില് നേരിട്ടിരിക്കുന്ന പ്രശ്നം എത്രയും പെട്ടെന്ന് പരിഹരിക്കുമെന്ന് മുംബൈ ക്രിക്കറ്റ് അസോസിയേഷന് അറിയിച്ചു.
https://www.facebook.com/Malayalivartha
