ഐ.പി.എല്ലില്‍ ഗുജറാത്ത് ലയണ്‍സിനെതിരെ സണ്‍റൈസഴ്‌സ് ഹൈദരാബാദിന് അഞ്ചു വിക്കറ്റ് ജയം. 127 റണ്‍സ് വിജയലക്ഷ്യവുമായിറങ്ങിയ ഹൈദരാബാദ് ഒരോവര്‍ ബാക്കിനില്‍ക്കേ 129 റണ്‍സെടുത്തു. 47 റണ്‍സെടുത്ത ധവാനാണ് ഹൈദരാബാദിന്റെ വിജയത്തില്‍ നിര്‍ണായക പങ്കു വഹിച്ചത്. 24 റണ്‍സുമായി വാര്‍ണറും 18 റണ്‍സുമായി ഹൂഡയും ഹൈദരാബാദ് ഇന്നിങ്‌സിന് കരുത്തു പകര്‍ന്നു.

നേരത്തെ ടോസ് നഷ്ടപ്പെട്ട് ബാറ്റിങ്ങിനയയ്ക്കപ്പെട്ട ഗുജറാത്ത് നിശ്ചിത ഓവറില്‍ ആറു വിക്കറ്റിന് 126 റണ്‍സെടുത്തു. 51 റണ്‍സെടുത്ത ആരോണ്‍ ഫിഞ്ചിന്റെ പ്രകടനമാണ് ഗുജറാത്തിന് ഭേദപ്പെട്ട സ്‌കോര്‍ സമ്മാനിച്ചത്. റയ്‌ന 20 റണ്‍സെടുത്തു. ബ്രാവോയും ജഡേജയും 18 റണ്‍സ് വീതമെടുത്തു. ഗുജറാത്തിനായി കുല്‍ക്കര്‍ണിയും ബ്രാവോയും ഹൈദരാബാദിനായി ഭുവനേശ്വര്‍ കുമാറും മുസ്തഫിസുര്‍ റഹ്മാനും രണ്ടു വിക്കറ്റ് വീതം വീഴ്ത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha