സച്ചിന്റെ വിടവാങ്ങല്‍ ടെസ്റ്റ്‌ ആരംഭിച്ചു. ടോസ്‌ നേടിയ ഇന്ത്യ വിന്റീസിനെ ബാറ്റിംഗിനയച്ചു. ഉച്ചഭക്ഷണത്തിന്‌ പിരിയുമ്പോള്‍ വിന്റീസ്‌ രണ്ട്‌ വിക്കറ്റിന്‌ 93 റണ്‍സാണ്‌ എടുത്തിരിക്കുന്നത്‌.

11 റണ്‍സെടുത്ത വെടിക്കെട്ട് താരം ക്രിസ് ഗെയിലും 29 റണ്‍സെടുത്ത ബ്രാവോയുമാണ് പുറത്തായത്. ഗെയിലിനെ ഷമിയുടെ പന്തില്‍ രോഹിത് പിടിച്ചുപുറത്താക്കുകയായിരുന്നു. ബ്രാവോയെ അശ്വന്റെ പന്തില്‍ ധോണി സ്റ്റമ്പ് ചെയ്ത് പുറത്താക്കി.

രാവിലെ വിക്കറ്റുകള്‍ വീഴ്‌ത്താന്‍ നല്ല അന്തരീക്ഷമാണെന്നും അതിനാലാണ്‌ ബോളിംഗ്‌ തെരഞ്ഞെടുത്തതെന്ന്‌ ധോണി പറഞ്ഞു. കൊല്‍ക്കത്തയില്‍ നടന്ന ആദ്യ ടെസ്റ്റില്‍ ഒരിന്നിംഗ്‌സിനും 51 റണ്‍സിനുമായിരുന്നു ഇന്ത്യ വിജയിച്ചത്‌. സച്ചിന്‍ ടെന്‍ഡുല്‍ക്കറുടെ ഇരുന്നൂറാം ടെസ്റ്റ്‌ കൂടിയാണിത്‌.