ഐ.പി.എല്ലിലും ഇന്ത്യന്‍ ജെഴ്‌സിയിലും സ്ഥിരതയാര്‍ന്ന പ്രകടനം കാഴ്ചവെക്കുന്ന വിരാട് കോഹിലിയെ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറുമായാണ് ക്രിക്കറ്റ് ലോകം താരതമ്യപ്പെടുത്തുന്നത്. ആരാധകരും മുന്‍ കളിക്കാരും ക്രിക്കറ്റ് വിദഗ്ദ്ധരും ഈ താരതമ്യത്തോട് യോജിച്ചും വിയോജിച്ചും രംഗത്തെത്തിയിരുന്നു. എന്നാല്‍ സച്ചിനുമായി താരതമ്യപ്പെടുത്തുന്നത് തന്നെ കുഴപ്പിക്കുന്ന കാര്യമാണെന്നാണ് കോഹിലിയുടെ പക്ഷം.

സച്ചിനെ ആരുമായും താരതമ്യം ചെയ്യാന്‍ സാധിക്കില്ല. അങ്ങനെ താരതമ്യം ചെയ്യുന്നത് ശരിയായ കാര്യവുമല്ല. സച്ചിന്‍ 24 വര്‍ഷം രാജ്യത്തിന് വേണ്ടി കളിച്ച താരമാണ്. ഞാന്‍ ഇന്ത്യയ്ക്ക് വേണ്ടി കളിക്കാന്‍ തുടങ്ങിയിട്ട് അഞ്ച് വര്‍ഷമാകുന്നേയുള്ളു. ഞാന്‍ ക്രിക്കറ്റിന്റെ വഴിയിലൂടെ സഞ്ചരിച്ചത് സച്ചിന്റെ പ്രകടനങ്ങളില്‍ നിന്ന് പ്രചോദനം ഉള്‍ക്കൊണ്ട് കൊണ്ടാണ്. ഒരു ദേശീയ മാധ്യമത്തിന് നല്‍കിയ അഭിമുഖത്തില്‍ കോഹിലി മനസ്സുതുറന്നു.

എന്റെ കരീയറിലെ ഏറ്റവും മികച്ച ഫോമിലേക്ക് എത്തിയിട്ടുണ്ടോ എന്നെനിക്കറിയില്ല. ഏതാനും മാസങ്ങള്‍ക്ക് മുമ്പാണ് ഞാന്‍ ഇത്തരമൊരു ഫോമിലേക്ക് എത്തിയത്. ജന്മനാ കഴിവുള്ള ഒരു വ്യക്തിയാണ് സച്ചിന്‍. എന്നാല്‍ എനിക്ക് അങ്ങനെ കഴിവുകളൊന്നും ഇല്ല. കഠിനാധ്വാനം ചെയ്താണ് ഞാന്‍ അത്തരം കഴിവുകളിലേക്ക് എത്തിയത് കോഹിലി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha