സച്ചിന്റെ റെക്കോര്ഡ് തിരുത്തി അലസ്റ്റയര് കുക്ക്
ശ്രീലങ്കയ്ക്കെതിരെ രണ്ടാം ക്രിക്കറ്റ് ടെസ്റ്റ് മത്സരം ജയിച്ചതിനു പിന്നാലെ ഇംഗ്ലണ്ട് ക്യാപ്റ്റന് അലസ്റ്റയര് കുക്കിന് റെക്കോര്ഡും. ടെസ്റ്റില് പതിനായിരം റണ്സ് തികച്ച കുക്ക് ഇന്ത്യന് ക്രിക്കറ്റ് ഇതിഹാസം സാക്ഷാല് സച്ചിന് തെണ്ടുല്ക്കറുടെ കുറഞ്ഞ പ്രായത്തില് 10000 റണ്സ് എന്ന റെക്കോര്ഡ് തിരുത്തിക്കുറിച്ചു.
31 വയസ്സും 157 ദിവസവും പ്രായമായപ്പോഴാണ് കുക്കിന്റെ ഈ നേട്ടം. സച്ചിന് കുക്കിനേക്കാള് 326 അധികമെടുത്താണ് ഈ നേട്ടം കൈവരിച്ചിരുന്നത്. മത്സരത്തില് ശ്രീലങ്കയെ ഒന്പത് വിക്കറ്റിനു തകര്ത്ത് ഇംഗ്ലണ്ട് പരമ്പര 20 ന് സ്വന്തമാക്കിയിരുന്നു. ടെസ്റ്റ് ക്രിക്കറ്റില് 10000 റണ്സ് തികയ്ക്കുന്ന പന്ത്രണ്ടാമത്തെ താരവും ആദ്യ ഇംഗ്ലണ്ട് താരവുമാണ് അലസ്റ്റയര് കുക്ക്.
ബ്രയാന് ലാറ, സച്ചിന് തെണ്ടുല്ക്കര്, കുമാര് സംഗക്കാര, റിക്കി പോണ്ടിംഗ്, രാഹുല് ദ്രാവിഡ്, മഹേള ജയവര്ധന, സുനില് ഗവാസ്കര്, അലന് ബോര്ടെര്, ജാക്ക് കാലിസ്, ചന്ദര്പോള്, സ്റ്റീവ് വോ എന്നിവരാണ് ടെസ്റ്റില് 10000 റണ്സ് തികച്ച മറ്റുള്ളവര്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha