അനില് കുംബ്ലെ ഇന്ത്യന് ക്രിക്കറ്റ് ടീം കോച്ചാകാന് സാധ്യത
സൂപ്പര് താരവും ബൗളിങ് ഇതിഹാസവുമായ അനില് കുംബ്ലെ ഇന്ത്യന് ക്രിക്കറ്റ് ടീം കോച്ചാകാന് സാധ്യത. കുംബ്ലെയ്ക്ക് പുറമേ 57 പേരാണ് പരിശീലകനാവാന് അപേക്ഷ സമര്പ്പിച്ചിട്ടുള്ളത്. ഇതില് മുന് ഇന്ത്യന് ടീം ഡയറക്ടര് രവി ശാസ്ത്രി, മുന് ക്യാപ്റ്റന് രാഹുല് ദ്രാവിഡ്, സെലക്ടര് സന്ദീപ് പാട്ടീല് എന്നിവര് ഉള്പ്പെടുന്നു.
ഇന്ത്യക്കായി 132 ടെസ്റ്റുകള് കളിച്ച അനില് കുംബ്ലെ 619 വിക്കറ്റുകള് നേടിയിട്ടുണ്ട്. കൂടാതെ 271 ഏകദിനത്തില് 337 വിക്കറ്റും നേടി. 1999ല് പാക്കിസ്താനെതിരെ ഡല്ഹിയില് 74 റണ്സ് വിട്ടുകൊടുത്ത് 10 വിക്കറ്റ് നേടിയതാണ് ബൗളിങ് കരിയറിലെ മികച്ച പ്രകടനം. ഇംഗ്ലണ്ടിന്റെ ജിം ലേക്കറിന് ശേഷം ഒരു ഇന്നിങ്സില് 10 വിക്കറ്റുകള് വീഴ്ത്തുന്ന മറ്റൊരു താരമാണ് കുംബ്ലെ.
ഐ.പി.എല് ടീമുകളായ ബാംഗ്ലൂര് 'റോയല് ചലഞ്ചേഴ്സ്, മുംബൈ ഇന്ത്യന്സ് എന്നിവയുടെ ഉപദേശകനായും പ്രവര്ത്തിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha