ഇന്ത്യ- ദക്ഷിണാഫ്രിക്ക ഏകദിന പരമ്പര; ആദ്യ മത്സരത്തില്‍ ഇന്ത്യക്ക്‌ തോല്‍വി
ഇന്ത്യ- ദക്ഷിണാഫ്രിക്ക ഏകദിന പരമ്പരയിലെ ആദ്യ മത്സരത്തില്‍ ഇന്ത്യക്ക്‌ തോല്‍വി. 359 റണ്‍സ്‌ വിജയലക്ഷ്യവുമായി ഇറങ്ങിയ ഇന്ത്യ 41 ഓവറില്‍ 217 റണ്‍സിന്‌ ഓള്‍ ഔട്ടാകുകയായിരുന്നു. ഇന്ത്യന്‍ നിരയില്‍ അര്‍ദ്ധ സെഞ്ചുറി നേടി ക്യാപ്‌റ്റന്‍ ധോണിമാത്രമാണ്‌ അല്‍പ്പമെങ്കിലും പിടിച്ചുനിന്നത്‌. ദക്ഷിണാഫ്രിക്കയ്‌ക്കുവേണ്ടി ഡെയ്‌ല്‍ സ്റ്റെയിനും, റെയാന്‍ മക്‌ലാരനും മൂന്നു വിക്കറ്റു വീതം നേടി.
നേരത്തെ ആദ്യം ബാറ്റിംഗിനിറങ്ങിയ ദക്ഷിണാഫ്രിക്ക 50 ഓവറില്‍ നിന്ന് നാലു വിക്കറ്റ് നഷ്‌ടത്തിലാണ്‌ 358 റണ്‍സ്‌ എടുത്തത്‌. ക്വിന്റണ്‍ ഡിക്കോക്ക്‌ നേടിയ സെഞ്ചുറിയുടെയും ഓപ്പണര്‍ ഹാഷിം ആംല, എബി ഡി വില്ലിയേഴ്‌സ്‌ ജെ പി ഡുമീനി എന്നിവരുടെ അര്‍ധസെഞ്ചുറിയുടെയും പിന്‍ബലത്തിലാണ്‌ ദക്ഷിണാഫ്രിക്ക കൂറ്റന്‍ സ്‌കോര്‍ പടുത്തുയര്‍ത്തിയത്‌. നേരത്തേ ടോസ്‌ നേടിയ ഇന്ത്യ ബൗളിംഗ്‌ തെരഞ്ഞെടുക്കുകയായിരുന്നു.
https://www.facebook.com/Malayalivartha
