ദക്ഷിണാഫ്രിക്കക്കെതിരായ രണ്ടാം ഏകദിനത്തിലും ഇന്ത്യക്ക്‌ നാണംകെട്ട തോല്‍വി. ഇന്ത്യക്ക്‌ രണ്ടാം ഏകദിനത്തില്‍ ദക്ഷിണാഫ്രിക്കക്കെതിരെ നേരിട്ടത്‌ 134 റണ്‍സിന്റെ നാണംകെട്ട തോല്‍വിയാണ്‌. ടോസ്‌ നേടിയ ഇന്ത്യ ഫീല്‍ഡിംഗ്‌ തെരഞ്ഞെടുത്ത്‌ അബദ്ധം ആവര്‍ത്തിച്ചപ്പോള്‍ ആദ്യം ബാറ്റ്‌ ചെയ്‌ത ദക്ഷിണാഫ്രിക്ക അടിച്ചെടുത്തത്‌ 49 ഓവറില്‍ ആറു വിക്കറ്റ്‌ നഷ്ടത്തില്‍ 286 റണ്‍സാണ്‌. മറുപടി ബാറ്റിംഗിനിറങ്ങിയ ഇന്ത്യ 35.1 ഓവറില്‍ 146 റണ്‍സിന്‌ പുറത്തായി.

ദക്ഷിണാഫ്രിക്കക്കു വേണ്ടി ഓപ്പണര്‍ ക്വാന്റണ്‍ ഡികോക്കാണ്‍(106) രണ്ടാം മത്സരത്തിലും സെഞ്ചുറി നേടി. ക്വാന്റണ്‍ തന്നെയാണ്‌ കളിയിലെ കേമന്‍. ഹഷിം അംലയും(100) സെഞ്ചുറി നേടി. എന്നാല്‍, അവസാന ഓവറുകളില്‍ വന്‍ അടികള്‍ക്ക്‌ ദക്ഷിണാഫ്രിക്കന്‍ ബാറ്റ്‌സ്‌മാന്മാരെ അനുവദിക്കാതെയിരുന്ന ഇന്ത്യന്‍ ബൗളര്‍മാര്‍ അവരുടെ സ്‌കോര്‍ 280-ലൊതുക്കി. വിജയത്തോടെ മൂന്നു മത്സരങ്ങളുടെ പരമ്പര ദക്ഷിണാഫ്രിക്ക 2-0നു സ്വന്തമാക്കി. ഇന്ത്യയുടെ ഈ വര്‍ഷത്തെ ആദ്യ പരമ്പര തോല്‍വിയാണിത്‌.