വിന്‍ഡീസിനെതിരെ വിരാട് കൊഹ്ലിക്ക് ഇരട്ട സെഞ്ച്വറിആന്റിഗ: വെസ്റ്റ് ഇന്‍ഡീസിനെതിരായ ഒന്നാം ടെസ്റ്റിലെ ആദ്യ ഇന്നിങ്‌സില്‍ ഇന്ത്യന്‍ നായകന്‍ വിരാട് കൊഹ്ലിക്ക് ഇരട്ട ശതകം. 281 പന്തില്‍ നിന്നാണ് കൊഹ്ലി സെഞ്ച്വറി കരസ്ഥമാക്കിയത്. 24 ബൗണ്ടറികളടങ്ങുന്നതാണ് നായകന്റെ ഇന്നിങ്‌സ്. കൊഹ്ലിയുടെ കരിയറിലെ ആദ്യ ഇരട്ട സെഞ്ച്വറിയാണ് വിന്‍ഡീസിനെതിരെ കരസ്ഥമാക്കിയത്.

കൊഹ്ലിയുടെ പ്രകടനത്തിന്റെ പിന്ബലത്തില്‍ ഇന്ത്യ നാല് വിക്കറ്റ് നഷ്ടത്തില്‍ 400 റണ്‍സ് മറികടന്നു. അര്‍ദ്ധസെഞ്ച്വറി നേടിയ രവിചന്ദര്‍ അശ്വിനാണ് കൊഹ്ലിക്ക് കൂട്ടായി ക്രീസിലുള്ളത്.