സെലിബ്രറ്റി ക്രിക്കറ്റ് ലീഗ് കളികാണാനും മറ്റും പുതുമുഖ നടിമാരെ ഉള്‍പ്പെടെ ക്ഷണിച്ചിട്ടും തങ്ങളെ വിളിക്കാത്തതില്‍ യുവ നടന്‍മാര്‍ക്ക് അമര്‍ഷം. ഒരു മലയാളസിനിമയില്‍ മാത്രം അഭിനയിച്ച, അമ്മയില്‍ അംഗത്വം പോലുമില്ലാത്ത അകാന്‍ഷാ പുരിയെ ഹൈദരാബാദില്‍ നടന്ന മല്‍സരങ്ങളിലേക്ക് അമ്മയിലെ പ്രമുഖന്‍ ഇടപെട്ട് വിളിപ്പിച്ചു. മൂന്ന് ദിവസമാണ് ഈ നടി ഉള്‍പ്പെടെയുള്ള പുതുമുഖ നടിമാര്‍ ഹൈദരാബാദില്‍ കറങ്ങിയത്. എന്നാല്‍ യുവനിരയിലുള്ള നടന്‍മാരെ ആരെയും ക്ഷണിച്ചില്ല. സിനിമയില്‍ സജീവമായ താരങ്ങളെയാരെയും ക്രിക്കറ്റ് കളിക്കാനും ഉള്‍പ്പെടുത്തുന്നില്ല.

ചെന്നൈയുടെയും ബാംഗ്ലൂരിന്റെയും ഹൈദരാബാദിന്റെയും ടീമുകളില്‍ അവരുടെ യുവതാരങ്ങളാണ് കളിച്ചത്. അവര്‍ നന്നായി കളിച്ചു. ഇവിടെ പുറത്തു നിന്ന് കളിക്കാരെ കൊണ്ടുവന്ന്, ഒരു സിനിമയില്‍ മാത്രം മുഖം കാണിപ്പിച്ചിട്ട് കളിപ്പിക്കുന്നു. എന്നിട്ട് മല്‍സരങ്ങള്‍ ജയിക്കുന്നില്ലെന്നും താരങ്ങള്‍ ആരോപിച്ചു. അതേസമയം മെമ്പര്‍ഷിപ്പും മറ്റ് ഫീസുകളും തങ്ങളുടെ കയ്യില്‍ നിന്ന് പിടിച്ചുവാങ്ങാന്‍ ഭാരവാഹികള്‍ക്ക് വലിയ ആവേശമാണെന്നും രണ്ട് യുവതാരങ്ങള്‍ പറഞ്ഞു. തങ്ങള്‍ ആദ്യ സിനിമയില്‍ അഭിനയിക്കുമ്പോള്‍ തന്നെ പ്രമുഖ ഭാരവാഹി ദിവസവും വിളിക്കുമായിരുന്നു മെമ്പര്‍ഷിപ്പ് എടുക്കണമെന്ന് പറഞ്ഞ്. ഇത് ചിലപ്പോള്‍ താക്കീതായി വരെ മാറിയിട്ടുണ്ട്.

ഒരിക്കല്‍ ലൊക്കേഷനില്‍ വെച്ച് അഡ്വാന്‍സ് വാങ്ങിയ യുവതാരത്തിന്റെ പക്കല്‍ നിന്ന് സീനിയറായ ഒരു നടി പണം ബലമായി പിടിച്ചു വാങ്ങി. കാര്യം തിരക്കിയപ്പോള്‍ മെമ്പര്‍ഷിപ്പ് ഫീസ് വാങ്ങാന്‍ തന്നെ ഒരു ഭാരവാഹി ഏല്‍പ്പിച്ചിരിക്കുകയാണെന്ന് നടി പറഞ്ഞു. സീനിയറായ നടി ആളുകളെ മുന്നില്‍ വെച്ച് ഇത്തരത്തില്‍ പെരുമാറുമെന്ന് യുവനടന്‍ വിചാരിച്ചില്ല. അതുകൊണ്ട് മിണ്ടാതിരുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha