ദക്ഷിണാഫ്രിക്കന്‍ ടെസ്റ്റ്‌ ക്രിക്കറ്റ്‌ ടീം ക്യാപ്‌ടനായ. ഗ്രേം സ്‌മിത്ത്‌ അന്താരാഷ്‌ട്ര ക്രിക്കറ്റില്‍ നിന്ന്‌ വിരമിക്കുന്നു. അപ്രതീക്ഷിതമായ വിരമിക്കല്‍ പ്രഖ്യാപനം നടന്നത്‌ ആസ്‌ട്രേലിയക്കെതിരായ ടെസ്റ്റ്‌ പരമ്പരയ്‌ക്കിടെയാണ്‌ . ഏറ്റവും കൂടുതല്‍ കാലം ക്യാപ്‌ടനായിരുന്ന താരമാണ്‌ സ്‌മിത്ത്‌.
ആദ്യമായി ആസ്‌ട്രേലിയയ്‌ക്കെതിരായ ടെസ്റ്റില്‍ 2002 ലായിരുന്നു സ്‌മിത്തിന്റെ അരങ്ങേറ്റം. 116 ടെസ്റ്റു മത്സരങ്ങളില്‍ നിന്ന്‌ 48.72 ബാറ്റിംഗ്‌ ശരാശരിയോടെ 9257 റണ്‍സാണ്‌ സ്‌മിത്തിന്റെ സമ്പാദ്യം. 27 സെഞ്ച്വറികളും 37 അര്‍ദ്ധ സെഞ്ച്വറികളും നേടിയിട്ടുണ്ട്‌ . 277 ആണ്‌ കരിയറിലെ ഉയര്‍ന്ന സ്‌കോര്‍.
197 ഏകദിനങ്ങള്‍ കളിച്ചിട്ടുള്ള സ്‌മിത്ത്‌ 10 സെഞ്ച്വറികളും 47 അര്‍ദ്ധ സെഞ്ച്വറികളുമടക്കം 6989 റണ്‍സാണ്‌ നേടിയിട്ടുള്ളത്‌ .