രണ്ടാം ടെസ്റ്റിലും ഇന്ത്യ തോല്‍വിയിലേക്കോ..? കാര്യങ്ങളുടെ പോക്ക് അങ്ങനെയാണ്. ഭേദപ്പെട്ട സ്‌കോറില്‍ നാലാംദിവസം കളി തുടര്‍ന്ന ഇന്ത്യ ഓസീസ് പേസ് ബൗളര്‍ ഹേസില്‍വുഡിന്റെ 6 വിക്കറ്റ് നേട്ടത്തിന് മുന്നില്‍ പതറുകയായിരുന്നു. ലഞ്ചിന് പിരിയുന്നതിനു തൊട്ടുമുന്‍പ് 274 റണ്‍സിന് ഓള്‍ ഔട്ട് ആകുകയായിരുന്നു.

ഓസീസിന് വിജയത്തിലേക്ക് 188 റണ്‍സിന്റെ ദൂരം,ഇന്ത്യക്ക് 10 വിക്കറ്റിന്റെ അകലം. പൂജാര,രഹാനെ,ലോകേഷ് രാഹുല്‍ എന്നിവരുടെ അര്‍ദ്ധസെഞ്ചുറിയുടെ ബലത്തിലാണ് ഇന്ത്യ 274 റണ്‍സ് എടുത്തത്. പൂജാര സെഞ്ചുറിക്കരികെ 92 റണ്‍സെടുത്ത് പുറത്തായി.

ഓസ്‌ട്രേലിയക്ക് വേണ്ടി ഹേസല്‍വുഡ് ആറും മിച്ചല്‍ സ്റ്റാര്‍ക്ക്,ഓ കീഫ് എന്നിവര്‍ രണ്ടു വിക്കറ്റ് വീതവും വീഴ്ത്തി.