ഒത്തുകളിയെ തുടര്‍ന്ന് മുഹമ്മദ് ഇര്ഫാന് ഒരു വര്‍ഷം വിലക്ക്
ഒത്തുകളി നടത്തിയെന്ന് കണ്ടെത്തിയതിനെ തുടര്‍ന്ന് പാക്കിസ്ഥാന്‍ ക്രിക്കറ്റ് താരം മുഹമ്മദ് ഇര്ഫാന് പാക് ക്രിക്കറ്റ് ബോര്‍ഡ് (പിസിബി) ഒരു വര്‍ഷത്തെ വിലക്കേര്‍പ്പെടുത്തി. ഫാസ്റ്റ് ബൗളറായ മുഹമ്മദ് ഇര്ഫാന് പാക്കിസ്ഥാന്‍ സൂപ്പര്‍ലീഗില്‍ ഒത്തുകളിച്ചെന്ന് അഴിമതിവിരുദ്ധ അന്വേഷണ സംഘം നടത്തിയ അന്വേഷണത്തില്‍ കണ്ടെത്തിയിരുന്നു. ഇതിനെ തുടര്‍ന്നാണ് നടപടി.
സൂപ്പര്‍ലീഗിലെ ഒത്തുകളിച്ചെന്ന കണ്ടെത്തലില്‍ ഇര്‍ഫാനെ കൂടാതെ മറ്റു രണ്ടു കളിക്കാരെയും സസ്‌പെന്‍ഡ് ചെയ്തിട്ടുണ്ട്. ഷര്‍ജീല്‍ ഖാന്‍, ഖാലിദ് ലത്തീഫ് എന്നിവരെയാണ് താല്‍ക്കാലികമായി സസ്‌പെന്‍ഡ് ചെയ്തിരിക്കുന്നത്. കഴിഞ്ഞ 2016 സെപ്റ്റംബറിലാണ് ഇര്ഫാന് അവസാനമായി പാക്കിസ്ഥാനായി കളിച്ചത്. അഴിമതി വിരുദ്ധ ക്ലാസില്‍ പങ്കെടുത്താല്‍ ഇര്‍ഫാന്റെ വിലക്ക് പകുതിയായി കുറച്ചേക്കും.
ഇര്ഫാന് പത്തുലക്ഷം രൂപ പിഴയും ചുമത്തിയിട്ടുണ്ട്. ഒത്തുകളി നടത്തിയതുമായി ബന്ധപ്പെട്ട് മറ്റൊരു പാക് ക്രിക്കറ്റ് താരം നാസിര്‍ ജംഷദ് ബ്രിട്ടനില്‍ അറസ്റ്റിലായിരുന്നു. കഴിഞ്ഞ ഫെബ്രുവരിയില്‍ പാക് ദേശീയ െ്രെകം ഏജന്‍സിയാണ് അറസ്റ്റ് ചെയ്തത്.
https://www.facebook.com/Malayalivartha
