കൊഹ്ലിയുടെ ഒരു ദിവസത്തെ പരസ്യവരുമാനം എത്രയെന്ന് കേട്ടാല് ഞെട്ടും; ധോണിയെയും കടത്തിവെട്ടി ഇന്ത്യന് നായകന്
സച്ചിനെയും ധോണിയെയും കടത്തിവെട്ടി കോഹ്ലി സൂപ്പര് സ്റ്റാര്. ഇന്ത്യന് ക്രിക്കറ്റ് നായകന് വിരാട് കൊഹ്ലിയുടെ ഒരു ദിവസത്തെ പരസ്യ വരുമാനം ഏകദേശം അഞ്ചു കോടി രൂപ. എക്കണോമിക് ടൈംസ് പുറത്തു വിട്ട റിപ്പോര്ട്ടിലാണ് ഇക്കാര്യം പറയുന്നത്. വരുമാനത്തിന്റെ കാര്യത്തില് കൊഹ്ലി ടീം ഇന്ത്യയുടെ മുന് നായകന് ധോണി, ബോളിവുഡ് താരങ്ങളായ രണ്വീര് സിങ്, രണ്ബീര് കപൂര് എന്നിവരെയാണ് പിന്നിലാക്കിയത്.
പെപ്സികോയും പ്യൂമയുമായുള്ള കരാറിനെ തുടര്ന്നാണ് കൊഹ്ലിയുടെ വരുമാനം കൂടിയത്. പ്യൂമയുമായി എട്ടു വര്ഷത്തേക്ക് 110 കോടി രൂപയുടെ കരാറാണ് കൊഹ്ലി ഒപ്പുവെച്ചത്. ഇത്രയും ഉയര്ന്ന തുകയ്ക്ക് പരസ്യകരാറൊപ്പിടുന്ന ആദ്യ ഇന്ത്യന് കായിക താരമാണ് കൊഹ്ലി. 18 ബ്രാന്ഡുകളുമായാണ് കൊഹ്ലിക്ക് നിലവില് കരാറുള്ളത്.
നേരത്തെ സ്പോര്ട്സ് ഉത്പന്നങ്ങളുടെ നിര്മാതാക്കളായ അഡിഡാസുമായി കൊഹ്ലി പത്ത് കോടി രൂപയുടെ കരാര് ഒപ്പിട്ടിരുന്നെങ്കിലും ഈ കരാര് കഴിഞ്ഞ ഡിസംബറില് അവസാനിച്ചിരുന്നു.
സച്ചിന് ടെന്ഡുല്ക്കറും മഹേന്ദ്ര സിങ് ധോണിയും പരസ്യ വരുമാനത്തില് നൂറ് കോടി കടന്നവരാണ്. ക്രിക്കറ്റ് കളിച്ച 24 വര്ഷത്തിനിടയ്ക്ക് ഏതാണ്ട് 50 ബ്രാന്ഡുകളുടെ അംബാസിഡറായിരുന്ന സച്ചിന് പരസ്യത്തില് നിന്ന് മാത്രം ഉണ്ടാക്കിയ വരുമാനം 500 കോടി രൂപയില് അധികമാണ്.
https://www.facebook.com/Malayalivartha
