ഐ.പി.എല്‍ പത്താം സീസണിലെ മൂന്നാം മത്സരത്തില്‍, ഗുജറാത്ത് ലയണ്‍സിനെതിരെ കൊല്‍ക്കത്ത നൈറ്റ് റൈഡേഴ്‌സിന് പത്ത് വിക്കറ്റിന്റെ തകര്‍പ്പന്‍ വിജയം. വിജയലക്ഷ്യമായ 184 റണ്‍സ് അഞ്ച് ഓവര്‍ ബാക്കി നിര്‍ത്തിയാണ്, വിക്കറ്റൊന്നും നഷ്ടപ്പെടാതെ കൊല്‍ക്കത്ത മറികടന്നത്.

ഗംഭീര്‍ 76 റണ്‍സും ( 48 പന്തില്‍ ), ക്രിസ് ലിന്‍ 91 റണ്‍സ് (41 പന്തില്‍) നേടി പുറത്താകാതെ നിന്നു. നേരത്തെ, ടോസ് നഷ്ട്‌പ്പെട്ട് ബാറ്റിങ്ങിനിറങ്ങിയ ഗുജറാത്ത് നിശ്ചിത ഓവറില്‍ നാല് വിക്കറ്റ് നഷ്ടത്തില്‍ 183 റണ്‍സെടുത്തു. പുറത്താകാതെ 68 റണ്‍സ് നേടിയ ക്യാപ്റ്റന്‍ സുരേഷ് റെയ്‌നയും 47 റണ്‍സടിച്ച ദിനേശ് കാര്‍ത്തിക്കുമാണ് ഗുജറാത്തിന് ഭേദപ്പെട്ട സകോര്‍ സമ്മാനിച്ചത്.