ഐ.പി.എല്‍ ഒത്തുകളിയില്‍ കൂടുതല്‍ കളിക്കാര്‍ക്ക്‌ പങ്ക്‌
ഐ.പി.എല്‍ ഒത്തുകളിയില്‍ 12 മുത്‌ല 13 കളിക്കാര്‍ക്കെതിരെ ജസ്റ്റിസ്‌ മുകുള്‍ മുദ്‌ഗല്‍ കമ്മറ്റി സമര്‍പ്പിച്ച റിപ്പോര്‍ട്ടില്‍ പരാമര്‍ശമുണ്ടെന്നു സൂചന. ചെന്നൈ സൂപ്പര്‍ കിങ്‌സ്‌, രാജസ്ഥാന്‍ റോയല്‍സ്‌ ടീമിലുളളവരാണ്‌ മറ്റ്‌ മൂന്ന് ടീമുകള്‍ക്കെതിരെയും പരാമര്‍ശമുണ്ടെന്ന്‌ പറയുന്നു. ഐ.പി.എല്ലിന്റെ മൂന്ന് ഒഫീഷ്യലുകള്‍ക്കും ഒത്തുകളിയില്‍ പങ്കുണ്ടെന്നാണ്‌ സൂചന. ഈ ആരോപണങ്ങള്‍ സ്ഥിരീകരിച്ചിട്ടില്ലെന്നും സ്വതന്ത്ര അന്വേഷണം നടത്തണമെന്നും മുദ്ര വച്ച കവറില്‍ സുപ്രീം കോടതിക്കു സമര്‍പ്പിച്ച റിപ്പോര്‍ട്ടില്‍ കമ്മിറ്റി ശുപാര്‍ശ ചെയ്യുന്നുണ്ട്‌.
2013 ഓക്‌ടോബറിലാണ്‌ അഡീഷനല്‍ സോളിസിറ്റര്‍ ജനറല്‍ എല്‍.നാഗേശ്വര റാവു മുതിര്‍ന്ന അഭിഭാഷകനായ നിലയ്‌ ദത്ത എന്നിവരും അംഗങ്ങളായ കമ്മിറ്റി രൂപീകരിച്ചത്‌. കേസ്‌ ഐ.പി.എല്‍ ഏഴാം സീസണ്‍ ആരംഭിക്കുന്ന ഏപ്രില്‍ 17ന്‌ പരിഗണിക്കുമെന്നാണ്‌ സുപ്രീം കോടതി അറിയിച്ചത്‌.
https://www.facebook.com/Malayalivartha
