ഐ.പി.എല്ലില്‍ കിംഗ്‌സ്‌ ഇലവന്‍ പഞ്ചാബിന്റെ തേരോട്ടം തുടരുന്നു. ഐ.പി.എല്ലിലെ ഏഴാം മത്സരത്തില്‍ രാജസ്ഥാന്‍ റോയല്‍സിനെ 7 വിക്കറ്റിനാണ്‌ പഞ്ചാബ്‌ തറപറ്റിച്ചത്‌. രാജസ്ഥാന്‍ ഉയര്‍ത്തിയ 192 റണ്‍സ്‌ എന്ന വലിയ ലക്ഷ്യത്തെ 3 വിക്കറ്റ്‌ നഷ്‌ടത്തില്‍ 8 പന്തുകള്‍ ബാക്കി നില്‍ക്കെ പഞ്ചാബ്‌ മറികടക്കുകയായിരുന്നു. 45 പന്തുകളില്‍ 9 ഫോറും 6 സ്‌ക്‌സറുകളും ഉള്‍പ്പെടെ 89 റണ്‍സ്‌ നേടിയ ഗ്ലെയിന്റ്‌ മാക്‌സ്വെല്ലിന്റെ മികച്ച പ്രകടനമാണ്‌ പഞ്ചാബിന്‌ ഉജ്ജ്വല വിജയം സമ്മാനിച്ചത്‌. 51 റണ്‍സ്‌ നേടി പുറത്താകാതെ നിന്ന ഡേവിഡ്‌ മില്ലറും 40 റണ്‍സ്‌ നേടിയ ചേത്വേശ്വന്‍ പൂജാരയും പഞ്ചാബിന്റെ വിജയത്തില്‍ നിര്‍ണ്ണായക പങ്ക്‌ വഹിച്ചു.
നേരത്തെ മലയാളി താരം സഞ്ചു സാംസന്റെയും (52) ഷെയ്‌ന്‍ വാട്ട്‌സന്റെയും (50) ബാറ്റിംഗ്‌ മികവിലാണ്‌ രാജസ്ഥാന്‍ റോയല്‍സ്‌ മികച്ച സ്‌കോര്‍ പടുത്തുയര്‍ത്തിയത്‌.