ഇന്ത്യ-ഇംഗ്ലണ്ട് ഏകദിന പരമ്പര ഇന്ന്
ഇന്ത്യയും ഇംഗ്ലണ്ടും തമ്മില് നടക്കുന്ന ഏകദിന പരമ്പരയിലെ രണ്ടാമത്തെ മത്സരം ഇന്നു നടക്കും. കാര്ഡിഫില് ഇന്ത്യന് സമയം മൂന്നു മണിക്ക് ആരംഭിക്കും. അഞ്ച് ഏകദിനങ്ങളുടെ പരമ്പരയിലെ ആദ്യ മത്സരം മഴയെ തുടര്ന്ന് ഉപേക്ഷിച്ചിരുന്നു.
2011ലാണ് ഇന്ത്യയും ഇംഗ്ലണ്ടും തമ്മില് ഇവിടെ അവസാനം ഏറ്റുമുട്ടിയത്. ടെസ്റ്റ് പരമ്പരയില് മാറ്റുകുറഞ്ഞ ഓപ്പണര് ശിഖര് ധവാന് മടങ്ങിവരാനുള്ള സുവര്ണാവസരമാണിത്. ധവാനും രോഹിത് ശര്മയും ചേര്ന്നായിരിക്കും ഇന്നിംഗ്സ് ഓപ്പണ് ചെയ്യുക. വിരാട് കൊഹ്ലി മൂന്നാമനായും അജിന്ക്യരഹാനെ നാലാമതായും ഇറങ്ങും.ഏകദിനത്തിലേക്ക് തിരിച്ചു വരവ് നടത്തിയ സുരേഷ് റെയ്ന നായകന് എം.എസ്.ധോണിക്കു മുമ്പേ ബാറ്റിംഗിനിറങ്ങും.
രവീന്ദ്ര ജഡേജയെ ഓള്റൗണ്ടറാക്കിയും ആര്.അശ്വിനെ സ്പെഷ്യലിസ്റ് സ്പിന്നറായും കളിപ്പിക്കാനാണു ധോണിയുടെ ആലോചന. ഒന്നാംഏകദിനം മഴയായതിനാല് അരങ്ങേറ്റം വൈകിയ ഓപ്പണര് അലക്സ് ഹാലസ് കിട്ടിയ അവസരം മുതലെടുക്കാനുള്ള ശ്രമത്തിലാണ്.
https://www.facebook.com/Malayalivartha
