സുനില്‍ നരെയ്‌ന്റെ ബൗളിംഗ് ആക്ഷന്‍ സംശയത്തില്‍
കൊല്‍കത്ത നൈറ്റ് റൈഡേഴ്‌സിനു വേണ്ടി കളിക്കുന്ന വെസ്റ്റ്ഇന്‍ഡീസ് താരം സുനില്‍ നരേന്റ് ബൗളിംഗ് ആക്ഷന്‍ സംശയത്തില്‍. ഇന്നലെ ഡോള്‍ഫിന്‍സിനെതിരെ നടന്ന ചാമ്പ്യന്‍സ് ലീഡ് ടി20 കളിയിലാണ് നരേന്റെ ബൗളിംഗ് ആക്ഷന്‍ വിവാദമായത്.
ഇന്നലെ കളി നിയന്ത്രിച്ച അമ്പയര്‍മാരാണ് അദ്ദേഹത്തിന്റെ ബൗളിംഗ് ആക്ഷനില്‍ സംശയം പ്രകടിപ്പിച്ചത്. ചാമ്പ്യന്‍സ് ലീഗ് ടി20 നിയമപ്രകാരം സംശയകരമായ ബൗളിംഗ് ചെയ്യുന്നവര്‍ ബി.സി.സി.ഐയുടെ ബൗളിംഗ് ആക്ഷന്‍കമ്മിറ്റിയുടെ നിരീക്ഷണത്തിലായിരിക്കും. എന്നാല്‍ കളിക്കുന്നതില്‍ വിലക്കില്ല.
അതേസമയം ഒരിക്കല്‍ കൂടി റിപ്പോര്‍ട്ട് ലഭിച്ചാല്‍ ടൂര്‍ണമെന്റില്‍ ബൗള്‍ ചെയ്യുന്നതിന് വിലക്ക് വരും. നേരത്ത ബൗളിംഗ് സംശയത്തിന്റെ പേരില്‍ പാക് ബൗളര്‍ സഈദ് അജ്മലിന് അന്താരാഷ്ട്ര ക്രിക്കറ്റ് കൗണ്‍സില്‍ വിലക്കേര്‍പ്പെടുത്തിയിരുന്നു. അതേസമയം ഈ ടൂര്‍ണമെന്റിലെ പാകിസ്ഥാന്‍ ടീമായ ലാഹോര്‍ ലയണ്‍സിലെ അദ്‌നാന്‍ റസൂല്‍, മുഹമ്മഹ് ഹഫീസ് എന്നിവരുടെ ബൗളിംഗ് ആക്ഷനും സംശയത്തിലാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
