ഇനി നൽകാൻ ബാക്കിയൊന്നുമില്ല.... അര്‍ജന്റീന നായകനും ഇതിഹാസ താരവുമായ ലയണല്‍ മെസി അന്താരാഷ്ട്ര ഫുട്‌ബോളില്‍ നിന്നു വിരമിക്കൽ പ്രഖ്യാപിച്ചതോടെ ഫുട്ബോൾ ചരിത്രത്തിലെ ഒരു സുവർണ അധ്യായത്തിനാണ് വിരാമമാകുന്നു. 39കാരനായ ഇതിഹാസ നായകൻ ലാ ആൽബിസെലസ്റ്റെയെ ചരിത്ര വിജയങ്ങളുടെ തിളക്കമുള്ള കാലത്തിലേക്ക് നയിച്ച ശേഷമാണ് അന്താരാഷ്ട്ര ഫുട്ബോളിന്റെ പടിയിറങ്ങുന്നത്.

പിതാവിന്‍റെ മരണത്തിന് പിന്നാലെ താൻ അന്താരാഷ്ട്ര ഫുട്ബോളിൽ നിന്നും വിരമിക്കുകയാണെന്ന സൂചന മെസ്സി നൽകിയിരുന്നു.

കുറിപ്പ് ഇങ്ങനെ....

'ലോകകപ്പിനു ശേഷമുള്ള ഈ ദിവസങ്ങളിലെല്ലാം ഞാൻ ഒട്ടേറെ ചിന്തിച്ചു. ഞാൻ ദേശീയ ടീമിൽ നിന്നു വിരമിക്കുകയാണെന്നു എല്ലാവരേയും അറിയിക്കാൻ ആ​ഗ്രഹിക്കുന്നു. ഉള്ളിൽ ഇപ്പോഴും വല്ലാത്ത വേദന നൽകുന്ന തീരുമാനമാണെങ്കിലും ഇതുതന്നെയാണ് കൃത്യമായ സമയമെന്നു ഞാൻ മനസിലാക്കുന്നു. കഴിഞ്ഞ കുറച്ചു വർഷങ്ങളിൽ നമ്മൾ എല്ലാ നേടിയപ്പോൾ മാത്രമല്ല, അതിനു മുൻപും ഞാൻ എന്റെ സർവസ്വവും ടീമിനായി നൽകിയിട്ടുണ്ട്.

ഈ ആകാശ നീലയും വെള്ളയും കലർന്ന ജേഴ്സിക്കു വേണ്ടി പൊരുതി, പരമാവധി നൽകി. ഫുട്ബോളിലൂടെ നിങ്ങൾക്ക് സന്തോഷം തരാനും ഒരു അർജന്റീനക്കാരനായതിൽ അഭിമാനബോധം ഉണ്ടാക്കാനും എനിക്കു കഴിഞ്ഞു. അധികം സമയമില്ല എന്ന് എനിക്കറിയാമായിരുന്നു. ഒരോ അധ്യായങ്ങളും അവസാനിക്കും. എന്നെ വല്ലാതെ വേദനിപ്പിക്കുന്ന ഒന്നാണിത്. ദേശീയ ടീമിന്റെ ഭാ​ഗമാകാൻ ഞാൻ എപ്പോഴും ആ​ഗ്രഹിച്ചിരുന്നു. ഇപ്പോഴും ആ​ഗ്രഹിക്കുന്നു. എക്കാലവും അതുതന്നെയാണ് ആ​ഗ്രഹവും. എന്റെ കൈവശമുള്ളതെല്ലാം ഞാൻ നൽകി. ഇനി നൽകാൻ ബാക്കിയൊന്നുമില്ല. മാത്രമല്ല ഇവിടെ അർഹതയുള്ള മികച്ച ഒട്ടേറ യുവ താരങ്ങൾ കടന്നു വരുന്നുമുണ്ട്. വരുന്ന തലമുറയിലെ മികച്ച യുവതാരങ്ങൾക്ക് വഴിമാറിക്കൊടുക്കേണ്ട സമയമാണിതെന്നും താരം വ്യക്തമാക്കി