എഫ്എ കപ്പ് സെമിഫൈനലില്‍ ഇന്ന് സൂപ്പര്‍ പോരാട്ടം... ഇന്ത്യന്‍ സമയം രാത്രി 9.45 ന് നടക്കുന്ന മത്സരത്തില്‍ മാഞ്ചസ്റ്റര്‍ സിറ്റി ചെല്‍സിയെ നേരിടും...
എഫ്എ കപ്പ് സെമിഫൈനലില്‍ ഇന്ന് സൂപ്പര്‍ പോരാട്ടം. ഇന്ത്യന്‍ സമയം രാത്രി 9.45 ന് നടക്കുന്ന മത്സരത്തില്‍ മാഞ്ചസ്റ്റര്‍ സിറ്റി ചെല്‍സിയെ നേരിടും. വെംബ്ലി സറ്റേഡിയത്തിലാണ് മത്സരം നടക്കുക.
ക്വാര്‍ട്ടര്‍ ഫൈനലില്‍ ലെസ്റ്റര്‍ സിറ്റിയെയാണ് ചെല്‍സി തോല്‍പ്പിച്ചത്. ന്യൂകാസിലിനെ തോല്‍പ്പിച്ചാണ് സിറ്റിയുടെ സെമി പ്രവേശനം. മാഞ്ചസ്റ്റര്‍ സിറ്റിയും ചെല്‍സിയും ഏറ്റുമുട്ടിയ കഴിഞ്ഞ എട്ട് മത്സരങ്ങളില്‍ ഒന്നില്‍ പോലും ചെല്‍സിക്ക് ജയിക്കാനായിട്ടില്ല.
ആറെണ്ണം സിറ്റി ജയിച്ചപ്പോള്‍ രണ്ടെണ്ണം സമനിലയിലായി. പ്രീമിയര്‍ ലീഗിലെ ഈ സീസണില്‍ ഇരു ടീമുകളും രണ്ട് തവണ ഏറ്റുമുട്ടിയപ്പോള്‍ സമനിലയായിരുന്നു ഫലം. ചാമ്പ്യന്‍സ് ലീഗ് ക്വാര്‍ട്ടര്‍ ഫൈനലില്‍ റയല്‍ മാഡ്രിഡിനോട് തോറ്റ് പുറത്തായതിന് ശേഷമുള്ള സിറ്റിയുടെ ആദ്യ മത്സരമാണിത്. ഈ സീസണില്‍ ഇനി സിറ്റിക്ക് വിജയസാധ്യതയുള്ളത് എഫ്എ കപ്പിലും പ്രീമിയര്‍ ലീഗിലും മാത്രമാണ്.
പ്രീമിയര്‍ ലീഗില്‍ ആറ് മത്സരങ്ങള്‍ ബാക്കി നില്‍ക്കെ പൊയിന്റ് പട്ടികയില്‍ ഒന്നാമതാണ് സിറ്റി. ചെല്‍സിക്ക് ഈ സീസണില്‍ ഇനിയുള്ള സാധ്യത എഫ്എ കപ്പ് മാത്രമാണ്.
https://www.facebook.com/Malayalivartha
