ചിത്രയ്‌ക്ക്‌ ഇരട്ട സ്വര്‍ണ്ണം
ദേശീയ സ്‌കൂള്‍ അത്‌ലറ്റിക്‌ മീറ്റില്‍ കേരളത്തിന്റെ സ്വര്‍ണ്ണക്കുതിപ്പ്‌ തുടരുന്നു. പി. യു. ചിത്രയുടെ ഇരട്ട സ്വര്‍ണ്ണ മെഡല്‍ നേട്ടമുള്‍പ്പെടെ കേരളത്തിന്റെ സ്വര്‍ണ്ണമെഡല്‍ നിലവാരം 13 ആയി.
സീനിയര്‍ പെണ്‍കുട്ടികളുടെ 1500 മീറ്റര്‍ ഓട്ടത്തിലാണ്‌ ചിത്ര രണ്ടാം സ്വര്‍ണ്ണം നേടിയത്‌. നേരത്തെ 3000 മീറ്ററിലും ചിത്ര ഒന്നാമതെത്തിയിരുന്നു. സീനിയര്‍ പെണ്‍കുട്ടികളുടെ 3000 മീറ്റര്‍ നടത്തയിലാണ്‌ മൂന്നാം ദിനം കേരളം രണ്ടാം സ്വര്‍ണ്ണം നേടിയത്‌. ഈ മത്സരത്തില്‍ വെള്ളിമെഡല്‍ നേടിയതും കേരളത്തിന്റെ തന്നെ കെ. ആര്‍. സുജാതയാണ്‌.
ഇതിന്‌ പുറമേ മൂന്നാം ദിനം ഒരു വെള്ളിയും ഒരു വെങ്കലവും കൂടി കേരളം സ്വന്തമാക്കി. ജൂനിയര്‍ പെണ്‍കുട്ടികളുടെ 1500 മീറ്റര്‍ ഓട്ടത്തില്‍ കെ. ആര്‍. ആതിര വെള്ളിയും ജൂനിയര്‍ ആണ്‍കുട്ടികളുടെ 1500 മീറ്ററില്‍ ബിബിന്‍ ജോര്‍ജ്‌ വെങ്കലവും കരസ്ഥമാക്കിയത്‌.
മേളയിലെ വേഗമേറിയ താരത്തെ ഇന്നറിയാം. ജൂനിയര്‍ പെണ്‍കുട്ടികളുടെ 1500 മീറ്ററില്‍ കെ. ആര്‍. ആതിര ട്രാക്കിലിറങ്ങും. ജൂനിയര്‍ പെണ്‍കുട്ടികളുടെ പോള്‍വാള്‍ട്ടില്‍ ദേശീയ റെക്കോര്‍ഡ്‌ ഉടമയായ മരിയ ജയ്‌സണും കേരളത്തിന്‍രെ മെഡല്‍ പ്രതീക്ഷയാണ്‌.
https://www.facebook.com/Malayalivartha
