ഇടുക്കി ജില്ലയിൽ ഇന്ന് ഹർത്താലായതിനാൽ ഇന്ന് രാവിലെ കേരളം,ഗൾഫ്,ലക്ഷദ്വീപ്,മാഹി എന്നിവിടങ്ങളിൽ നടത്താൻ നിശ്ചയിച്ചിരുന്ന ഒന്നാം വർഷ ഹയർ സെക്കൻഡറി ഇംപ്രൂവ്മെന്റ്/സപ്ലിമെന്ററി പരീക്ഷകൾ ഉച്ചയ്ക്ക് 2 മുതൽ 4.15 വരെ നടത്താൻ നിശ്ചയിച്ചിരിക്കുന്നു. പ്രായോഗിക പരീക്ഷ ഇല്ലാത്ത വിഷയങ്ങളുടെ സമയക്രമം ഉച്ചയ്ക്ക് 2 മുതൽ വൈകിട്ട് 4.45 വരെയാണ്.

അതേസമയം ഭൂപ്രശ്നങ്ങൾക്ക് ശാശ്വത പരിഹാരം കാണണമെന്നാവശ്യപ്പെട്ട് ഇടുക്കിയിൽ സിപിഎം ഹർത്താൽ ആരംഭിച്ചു. സിഎച്ച്‌ആർ പ്രദേശം വനഭൂമിയാക്കി മാറ്റുന്നതിനുള്ള ഗൂഢനീക്കം തിരിച്ചറിയുക, ആനത്താരകൾ സൃഷ്ടിക്കുന്നതിനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങൾ ഉന്നയിച്ചാണ് ഹർത്താൽ നടത്തുന്നത്.