അടുത്ത അധ്യയന വര്‍ഷത്തെ മെഡിക്കല്‍ പ്രവേശനത്തിനുള്ള സമയക്രമം ഹൈക്കോടതി നിര്‍ദേശത്തെത്തുടര്‍ന്ന് സര്‍ക്കാര്‍ മുന്‍കൂട്ടി നിശ്ചയിച്ചു. മെഡിക്കല്‍ പ്രവേശനത്തിനു മുന്നോടിയായി ഓരോ മെഡിക്കല്‍ കോളജുകളും അവരുടെ വരവു ചെലവു കണക്ക് സംബന്ധിച്ചുള്ള വിശദമായ വിവരങ്ങള്‍ ഈ മാസം 31 നകം നല്കണം.
അന്തിമ ഫീസ് സംബന്ധിച്ചുള്ള ഉത്തരവ് ഫെബ്രുവരി 15 നു മുമ്പ് ഇറക്കണം. ഇത് സംബന്ധിച്ച് അപ്പീല്‍ നല്കാന്‍ 30 ദിവസം സമയം നല്കും. ദേശീയ തലത്തില്‍ മെഡിക്കല്‍ പ്രവേശനം നടത്തുന്ന സിബിഎസ്ഇയുടെ അറിയിപ്പിന്റെ കൂടി അടിസ്ഥാനത്തില്‍ മേയ് ആദ്യ ആഴ്ച പ്രവേശന പരീക്ഷ നടത്തും.

പ്രവേശന പരീക്ഷാ ഫലം ജൂണ്‍ ഒന്നിനു പ്രസിദ്ധീകരിക്കും. സീറ്റ് വിഭജനം സംബന്ധിച്ച വിജ്ഞാപനം ജൂണ്‍ പത്തിനിറങ്ങും.