വജ്രജൂബിലി വര്‍ഷാചരണത്തോടനുബന്ധിച്ച്‌ പി എസ് സി പ്രവര്‍ത്തനങ്ങൾ കൂടുതൽ സുഗമമാക്കുന്നതിനായി ഔദ്യോഗിക ഫേസ്ബുക്ക് പേജ് ചെയര്‍മാന്‍ അഡ്വ. എം കെ സക്കീര്‍ ഉദ്ഘാടനം ചെയ്തു. ഉദ്യോഗാർത്ഥി സൗഹൃദം ശക്തപ്പെടുത്തുക എന്ന ലക്ഷ്യവും ഇതിനു പിന്നിൽ ഉണ്ട്.

ഈ പേജിന്റെ ഭാഗമാകുന്ന ഉദ്യോഗാര്‍ഥികള്‍ക്ക് പി എസ് സി പ്രവര്‍ത്തനവുമായി ബന്ധപ്പെട്ട വീഡിയോ, ചിത്രം, വാര്‍ത്തകള്‍ തുടങ്ങിയവ നോട്ടിഫിക്കേഷനായി അവരുടെ മൊബൈല്‍/ കംപ്യൂട്ടറിലെ ഫേസ്ബുക്ക് ആപ്ളിക്കേഷനിലൂടെയോ പേജിലൂടെയോ തത്സമയം ലഭിക്കും.

https://www.facebook.com/Kerala-Public-Service-Commission-129299757758575 എന്ന പേജിലൂടെ തസ്തികകളുടെ വിവരങ്ങള്‍, പരീക്ഷാ കലണ്ടര്‍, ഇന്റര്‍വ്യു ഷെഡ്യൂള്‍, അഡ്മിഷന്‍ ടിക്കറ്റ് ഡൌണ്‍ലോഡ് വിവരം, പബ്ലിഷ് ചെയ്യുന്ന ചുരുക്കപ്പട്ടിക/ റാങ്ക് പട്ടിക തുടങ്ങിയവ സമയനിഷ്ഠമായി അറിയാൻ കഴിയും.