നോണ്‍ ടെക്‌നിക്കല്‍ ട്രേഡുകളില്‍ ഇന്ത്യന്‍ ഓയില്‍ കോര്‍പറേഷന്റെ റിഫൈനറികള്‍ അപ്രന്റിസ്ഷിപ്പിന് അപേക്ഷ ക്ഷണിച്ചു. സെക്രട്ടേറിയല്‍ അസിസ്റ്റന്റ്, അക്കൗണ്ടന്റ് ട്രേഡുകളിലാണ് അവസരം.
ട്രേഡ് അപ്രന്റിസ് : സെക്രട്ടേറിയല്‍ അസിസ്റ്റന്റ് 75 (ഗുവാഹട്ടി 10, ബറൗനി 5, ഗുജറാത്ത് 11, ഹാല്‍ഡിയ 9. മഥുര 10, പാനിപ്പത്ത് 7, എ.ഒ.ഡി 10, ബംഗായ് ഗാവ് 10, പാരദീപ് 3)
യോഗ്യത : കുറഞ്ഞത് 55 ശതമാനം മാര്‍ക്കോടെ ബി.എസ്‌സി/ബി.എ /ബി.കോം. (എസ്.സി,എസ്.ടി വിഭാഗക്കാര്‍ക്കും അംഗപരിമിതര്‍ക്കും മാര്‍ക്കില്‍ അഞ്ച് ശതമാനം ഇളവ് ലഭിക്കും.)
ട്രേഡ് അപ്രന്റിസ് അക്കൗണ്ടന്റ് 26 (ഗുവാഹാട്ടി 2, ബറൗനി 3, ഗുജറാത്ത് 3, ഹാല്‍ഡിയ 3, മഥുര 3, പാനിപ്പത്ത് 4, എ.ഒ.ഡി 2, ബംഗായ് &്വംിഷ;ഗാവ് 2, പാരദീപ് 4)
യോഗ്യത : കുറഞ്ഞത് 55 ശതമാനം മാര്‍ക്കോടെ ബി.കോം, എസ്.സി., എസ്.ടി വിഭാഗക്കാര്‍ക്കും അംഗപരിമിതര്‍ക്കും മാര്‍ക്കില്‍ അഞ്ച് ശതമാനം ഇളവ് ലഭിക്കും.
പ്രായം : 2018 ജനുവരി 31 ന് 18നും 24 നും ഇടയില്‍. ഉയര്‍ന്ന പ്രായപരിധിയില്‍ എസ്.സി., എസ്.ടി വിഭാഗക്കാര്‍ക്ക് 4 വര്‍ഷത്തെയും ഒ.ബി.സി ക്കാര്‍ക്ക് മൂന്ന് വര്‍ഷത്തെയും ഇളവ് ലഭിക്കും. ഭിന്നശേഷിക്കാര്‍ക്ക് ചട്ടപ്രകാരം.
തിരഞ്ഞെടുപ്പ് നടത്തുന്നത് എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ്. വെയിറ്റേജ് 85:15 എന്ന അനുപാതത്തിലാണ്. കുറഞ്ഞത് 40 ശതമാനം മാര്‍ക്ക് പരീക്ഷയിലും അഭിമുഖത്തിലും നേടണം. 12 മാസമാണ് തിരഞ്ഞെടുക്കപ്പെടുന്നവര്‍ക്ക് പരിശീലനം നല്‍കുക.
അപേക്ഷിക്കേണ്ട വിധം : ഏതെങ്കിലും ഒരു റിഫൈനറി യൂണിറ്റിലേക്ക് മാത്രമാണ് അപേക്ഷിക്കാന്‍ അവസരം. ഉദ്യോഗാര്‍ത്ഥികള്‍ ആദ്യം www.iocl.com.എന്ന വെബ്‌സൈറ്റില്‍ ഓണ്‍ലൈനായി രജിസ്റ്റര്‍ ചെയ്യണം. രജിസ്‌ട്രേഷന്‍ സമയത്ത് കളര്‍ ഫോട്ടോ, ഒപ്പ് എന്നിവ സ്‌കാന്‍ ചെയ്ത്  jpg ഫോര്‍മാറ്റില്‍ അപ്ലോഡ് ചെയ്യണം. ഫയല്‍ സൈസ് 50 കെ.ബിയില്‍ താഴെയായിരിക്കണം.
ഓണ്‍ലൈന്‍ രജിസ്‌ട്രേഷന്‍ പൂര്‍ത്തിയായാല്‍ അപേക്ഷയുടെ പ്രിന്റ് എടുത്ത് അനുബന്ധ രേഖകളും ഫോട്ടോയും സ്വയം സാക്ഷ്യപ്പെടുത്തി തിരഞ്ഞെടുത്ത റിഫൈനറി യൂണിറ്റിലേക്ക് അയച്ച് നല്‍കണം. കൂടുതല്‍ വിവരങ്ങള്‍ക്ക്
ഓണ്‍ലൈന്‍ രജിസ്‌ട്രേഷനുള്ള അവസാന തീയതി : ഫെബ്രുവരി 3. ഫെബ്രുവരി 17ആണ് ഹാര്‍ഡ് കോപ്പി സ്വീകരിക്കുന്ന അവസാന തീയതി.