സ്റ്റേറ്റ് ബാങ്ക് ഓഫ് ഇന്ത്യയില് നിരവധി ഒഴിവുകള്
സ്റ്റേറ്റ് ബാങ്ക് ഓഫ് ഇന്ത്യ ക്ലറിക്കല് കേഡറിലെ ജൂനിയര് അസോഷ്യേറ്റ് (കസ്റ്റമര് സപ്പോര്ട്ട് ആന്ഡ് സെയില്സ്) തസ്തികകളിലേക്ക് അപേക്ഷ ക്ഷണിച്ചു. 7200 ഒഴിവുകളാണുള്ളത്. കേരളത്തില് 250 ഒഴിവുകളുണ്ട്. ഓണ്ലൈനില് അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി: ഫെബ്രുവരി 10.
എന്തെങ്കിലും ഒരു സംസ്ഥാനത്തെ ഒഴിവുകളിലേക്ക് മാത്രം അപേക്ഷിക്കുക. ഉദ്യോഗാര്ത്ഥികള്ക്ക് അപേക്ഷിക്കുന്ന സംസ്ഥാനത്തെ ഔദ്യോഗിക/പ്രാദേശിക ഭാഷയില് പ്രാവീണ്യം (എഴുതാനും വായിക്കാനും സംസാരിക്കാനും മനസിലാക്കാനും) ഉണ്ടായിരിക്കണം.
ശമ്പളം: 1176531540 രൂപ. വിദ്യാഭ്യാസ യോഗ്യത (2018 ജനുവരി ഒന്നിന്) ഏതെങ്കിലും വിഷയത്തില് ബിരുദം അല്ലെങ്കില് തത്തുല്യം
പ്രായം: 2018 ജനുവരി ഒന്നിന് 2028. അപേക്ഷകര് 1990 ജനുവരി രണ്ടിനു മുന്പോ 1998 ജനുവരി ഒന്നിനു ശേഷമോ ജനിച്ചവരാകരുത്. ഉയര്ന്ന പ്രായപരിധിയില് പട്ടികവിഭാഗക്കാര്ക്ക് അഞ്ചും ഒബിസിക്കു മൂന്നും വികലാംഗര്ക്ക് 10 വര്ഷവും പട്ടികവിഭാഗം 15, ഒബിസി 13 ഇളവ് ലഭിക്കും. വിമുക്തഭടന്മാര്ക്കും മറ്റും ഇളവുണ്ട്.
തിരഞ്ഞെടുപ്പ്: പ്രിലിമിനറി, മെയിന് പരീക്ഷകളുണ്ടാകും. മാര്ച്ച്/ഏപ്രിലില് പ്രിലിമിനറി പരീക്ഷ നടക്കും. ഒരു മണിക്കൂര് ദൈര്ഘ്യമുള്ള ഓണ്ലൈന് പരീക്ഷയില് ഇംഗ്ലീഷ് ലാഗ്വേജ്, ന്യൂമെറിക്കല് എബിലിറ്റി, റീസനിങ് എബിലിറ്റി എന്നീ വിഭാഗങ്ങളില്നിന്നുള്ള 100 ഒബ്ജെക്ടീവ് ചോദ്യങ്ങളാണ്. പ്രിലിമനറി പരീക്ഷയ്ക്കുശേഷം ഷോര്ട്ട് ലിസ്റ്റ് ചെയ്യപ്പെടുന്നവര്ക്ക് മെയിന് പരീക്ഷ നടത്തും. ഒബ്ജെക്ടീവ് മാതൃകയിലുള്ള ചോദ്യങ്ങള് ഉള്പ്പെടുന്നതാണ് ഓണ്ലൈന് വഴിയുള്ള മെയിന് പരീക്ഷ. പരീക്ഷ സംബന്ധിച്ച കൂടുതല് വിവരങ്ങള്ക്ക് വെബ്സൈറ്റിലെ വിജ്ഞാപനം കാണുക.
പ്രാദേശിക ഭാഷാ പരിജ്ഞാനം പരിശോധിക്കാന് ലാംഗ്വേജ് ടെസ്റ്റും നടത്തും. പത്താം ക്ലാസ് അല്ലെങ്കില് പന്ത്രണ്ടാം ക്ലാസ് വരെ പ്രാദേശിാ ഭാഷ (മാര്ക്ക് ഷീറ്റ്/സര്ട്ടിഫിക്കറ്റ്) പഠിച്ചവെന്നു കാണിക്കുന്ന രേഖ ഹാജരാക്കുന്നവര്ക്ക് ഇതു ബാധകമല്ല.
തെരഞ്ഞെടുക്കപ്പെടുന്നവര്ക്ക് ആറുമാസം പ്ര?ബേഷനുണ്ടാകും. കേരളത്തില് (സ്റ്റേറ്റ് കോഡ്, 25) കൊച്ചി, കോട്ടയം, പാലക്കാട്, തൃശൂര്, കോഴിക്കോട്, തിരുവനന്തപുരം, മലപ്പുറം എന്നിവിടങ്ങളില് പരീക്ഷാ കേന്ദ്രമുണ്ട്.
അപേക്ഷാ ഫീസ്: 600 രൂപ. പട്ടികവിഭാഗം, വിമുക്തഭടന്, വികലാംഗര്ക്ക് 100 രൂപ മതി. ഓണ്ലൈന് രീതിയിലൂടെ ഫീസ് അടയ്ക്കണം.
അപേക്ഷിക്കേണ്ട വിധം: www.bank.sbi , www.sbi.co.in എന്നീ വെബ്സൈറ്റുകളിലൂടെ ഓണ്ലൈന് അപേക്ഷ അയയ്ക്കാം. അപേക്ഷിക്കുന്നതിനുള്ള നിര്ദേശങ്ങള് വെബ്സൈറ്റില് ലഭിക്കും. അപേക്ഷകര്ക്ക് ഇമെയില് വിലാസം ഉണ്ടായിരിക്കണം. ഓണ്ലൈന് അപേക്ഷാഫോം പ്രിന്റൗട്ടും ഫീസ് അടച്ച രസീതും അപേക്ഷകര് സൂക്ഷിക്കണം
https://www.facebook.com/Malayalivartha