തിരുവിതാംകൂര് ദേവസ്വംബോര്ഡിലെ അസി.എന്ജിനീയര് തസ്തികയിലേക്കുള്ള ഒ.എം.ആര് പരീക്ഷ ഫെബ്രുവരി 25 ന്
തിരുവിതാംകൂര് ദേവസ്വംബോര്ഡിലെ അസി.എന്ജിനീയര് തസ്തികയിലേക്കുള്ള ഒ.എം.ആര് പരീക്ഷ ഫെബ്രുവരി 25 നും ഓവര്സിയര് തസ്തികയിലേക്കുള്ള പരീക്ഷ മാര്ച്ച് നാലിനും നടക്കുമെന്ന് ദേവസ്വം റിക്രൂട്ട്മന്റെ് ബോര്ഡ് ചെയര്മാന് അഡ്വ.എം. രാജഗോപാലന് നായര് വാര്ത്തസമ്മേളനത്തില് അറിയിച്ചു. ഉച്ചക്ക് രണ്ടു മുതല് 3.15 വരെ തിരുവനന്തപുരം നഗരത്തിലെ വിവിധ സ്കൂളുകളിലാണ് പരീക്ഷ നടക്കുക. പരീക്ഷ തീയതിക്ക് 16 ദിവസം മുമ്പ് അഡ്മിഷന് ടിക്കറ്റ് ഡൗണ്ലോഡ് ചെയ്യാം. പരീക്ഷ നടപടികള് പൂര്ത്തിയാക്കി രണ്ടു മാസത്തിനുള്ളില് റാങ്ക് ലിസ്റ്റ് പ്രസിദ്ധീകരിക്കും.
എന്ജിനീയര്മാരുടെ നിയമനത്തിന് അയ്യായിരത്തോളം അപേക്ഷകളാണ് ലഭിച്ചത്. ഓവര്സിയര് തസ്തികയിലേക്ക് ഏഴായിരത്തോളവും. റാങ്ക് ലിസ്റ്റിന് മൂന്നു വര്ഷമാണ് കലാവധി. മുന്നാക്കക്കാരിലെ പിന്നാക്കസംവരണം സംബന്ധിച്ച് സര്ക്കാറിന്റെ നയപരമായ പുതിയ തീരുമാനം ഈ നിയമനങ്ങളിലുണ്ടാകില്ല. പുതിയ സംവരണക്രമം പ്രാബല്യത്തില് വരുന്നതിന് സര്ക്കാര് ഉത്തരവോ അല്ലെങ്കില് ദേവസ്വം ബോര്ഡ് ബൈലോയില് ഭേദഗതിയോ ഉണ്ടാകണം. അതുവരെ നിലവിലെ സംവരണമാനദണ്ഡങ്ങള് തുടരും.
മലബാര് ദേവസ്വം ബോര്ഡിലേക്ക് ഒമ്പത് എക്സിക്യൂട്ടിവ് ഓഫിസര് തസ്തികകളിലും കൊച്ചി ദേവസ്വം ബോര്ഡിലേക്ക് 150 ക്ഷേത്ര തസ്തികകളിലും ഒഴിവുണ്ട്. ഇവിടങ്ങളിലേക്കുള്ള നിയമന നടപടികള് ഉടന് ആരംഭിക്കും. ഇതുവരെ 140 ശാന്തിക്കാരുടെയും 14 ആനപ്പാപ്പാന്മാരുടെയും നിയമനം റിക്രൂട്ട്മെന്റ് ബോര്ഡ് നടത്തി. ദേവസ്വം ബോര്ഡ് ജീവനക്കാരുടെ പ്രമോഷനായുള്ള പരീക്ഷ നടത്തിപ്പിന്റെ ചുമതല നിയമത്തില് റിക്രൂട്ട്മന്റെിന്റെ പരിധിയിലല്ല. അതോടൊപ്പം ദേവസ്വം ബോര്ഡുകള്ക്ക് കീഴിലെ കോളജ്, സ്കൂള് അധ്യാപക നിയമനങ്ങളും റിക്രൂട്ട്മന്റെ് ബോര്ഡിനെ ഏല്പിക്കണമെന്ന് ആവശ്യമുയരുന്നുണ്ട്. ഇതിനായി നിയമഭേദഗതിയുണ്ടാകണം.
https://www.facebook.com/Malayalivartha
