ബോളിവുഡ് നടന്‍ ഗോവിന്ദ, താനാണ് അവതാര്‍ സിനിമയ്ക്ക് ആ പേര് നിര്‍ദ്ദേശിച്ചതെന്നും അവതാറില്‍ അഭിനയിക്കുവാന്‍ ലഭിച്ച അവസരം താന്‍ നിരസിക്കുകയായിരുന്നുവെന്നും പറഞ്ഞത് അടുത്തിടെ ഏറെ വാര്‍ത്താപ്രാധ്യാന്യം നേടിയിരുന്നു. എങ്കിലിപ്പോള്‍ ഗോവിന്ദയെക്കുറിച്ച് ഞെട്ടിക്കുന്ന വെളിപ്പെടുത്തല്‍ നടത്തിയിരിക്കുകയാണ് അദ്ദേഹത്തിന്റെ സുഹൃത്ത്.

ഗോവിന്ദയ്ക്ക് മാനസിക പ്രശ്‌നങ്ങളുണ്ടെന്നും അദ്ദേഹത്തിന് കൗണ്‍സലിംഗ് അത്യാവശ്യമാണെന്നും സുഹൃത്ത് വ്യക്തമാക്കി. ഡെക്കാന്‍ ക്രോണിക്കിളിന് നല്‍കിയ അഭിമുഖത്തിലാണ് അദ്ദേഹം മനസ് തുറന്നത്. ഇത്തരത്തില്‍ ഗോവിന്ദ പെരുമാറാന്‍ തുടങ്ങിയിട്ട് നാളുകളായി. വലിയ പ്രൊജക്ടുകള്‍ വേണ്ടന്നു വെച്ചു എന്ന് അവകാശപ്പെടുന്നത് ഗോവിന്ദ ശീലമാക്കിയിരിക്കുകയാണ്. ഇത് അദ്ദേഹത്തിന്റെ ചിത്രങ്ങളെയും ബാധിക്കുന്നുണ്ട്. അദ്ദേഹത്തിന്റെ അവസാന ചിത്രം രംഗീല ഏറ്റെടുക്കുവാന്‍ വിതരണക്കാര്‍ എത്തിയില്ല. അവരോടെല്ലാം വഴക്കിടുകയും ചീത്ത വിളിയുമാണ്.

്‌നാല് പതിറ്റാണ്ടുകളായി എനിക്ക് ഗോവിന്ദയുമായി ബന്ധമുണ്ട്. എന്നാല്‍ ഞാന്‍ ചതിച്ചു എന്ന് ആരോപിച്ച് അടുത്തിടെ എന്നോടും വഴക്കിട്ടു. ഞാനുമായുള്ള ബന്ധം അവസാനിപ്പിച്ചു. സിനിമ മേഖലയില്‍ അദ്ദേഹത്തെ സഹായിക്കുവാന്‍ ആരുമില്ലെന്ന്  അദ്ദേഹത്തിന്റെ സുഹൃത്ത് പറയുന്നു.

ഗോവിന്ദ അവതാറിനെക്കുറിച്ച് പറഞ്ഞപ്പോള്‍ മുതല്‍ അദ്ദേഹത്തെ കുറിച്ചുള്ള ട്രോളുകള്‍ സോഷ്യല്‍മീഡിയയില്‍ നിറയുകയാണ്. ഇതിന്റെ പേരില്‍ അദ്ദേഹത്തിന്റെ കുടുംബാംഗങ്ങള്‍ വളരെയധികം വിഷമിക്കുന്നുണ്ട്. സുഹൃത്ത് പറഞ്ഞു.