സുശാന്തിന്റെ മാനേജറും റിയയുടെ സഹോദരനും ലഹരി മരുന്നു കേസില്‍ അറസ്റ്റില്‍
നടന്‍ സുശാന്ത് സിങ് രാജ്പുത്തിന്റെ മുന്‍ മാനേജര്‍ സാമുവല്‍ മിറാന്‍ഡയും മോഡല്‍ ഷോവിക്ക് ചക്രബര്‍ത്തിയും ലഹരി മരുന്നു കേസില്‍ അറസ്റ്റില്‍. പത്തു മണിക്കൂര്‍ നീണ്ട ചോദ്യം ചെയ്യലിന് ഒടുവിലാണ് അറസ്റ്റ്.
സുശാന്തിന്റെ കാമുകി റിയാ ചക്രബര്‍ത്തിയുടെ സഹോദരനാണ് ഷോവിക്ക്. അറസ്റ്റിലായ ലഹരി മരുന്ന് ഇടപാടുകാരന്‍ സയീദ് വിലാത്രയുമായി മിറാന്‍ഡയ്ക്കും ഷോവിക്കിനും ബന്ധമുണ്ടെന്ന് അന്വേഷണ ഏജന്‍സികള്‍ കണ്ടെത്തിയിരുന്നു. ഇരുവരുടെയും മുംബൈയിലെ വസതികളില്‍ നാര്‍ക്കോട്ടിക് കണ്‍ട്രോള്‍ ബ്യൂറോ (എന്‍.സി.ബി.) പരിശോധന നടത്തിയിരുന്നു.
റിയയുടെ മുംബൈയിലെ വസതിയിലും എന്‍.സി.ബി. സംഘം പരിശോധനയ്ക്ക് എത്തിയിരുന്നു. സയീദ് വിലാത്ര ഇവര്‍ക്ക് ലഹരി മരുന്ന് എത്തിച്ചിരുന്നതായാണ് വിവരം.
സുശാന്തിനെ മരിച്ച നിലയില്‍ കണ്ടെത്തിയ കേസിലെ അന്വേഷണത്തിനിടെയാണ് റിയയ്ക്ക് ലഹരി റാക്കറ്റുമായി ബന്ധമുണ്ടെന്നു സംശയം ഉയര്‍ന്നത്.
https://www.facebook.com/Malayalivartha
