സൗഹൃദം പ്രണയത്തിലേക്ക് തിരിഞ്ഞു; വിവാഹാഭ്യര്ഥന നടത്തിയതോടെ നടി സൗഹൃദം ഉപേക്ഷിച്ചു, വിവാഹാഭ്യർഥന നിരസിച്ചതിന് നടിയെ സിനിമാ നിർമാതാവ് നടുറോഡില് തലങ്ങും വിലങ്ങും കുത്തിവീഴ്ത്തി
വിവാഹാഭ്യർഥന നിരസിച്ചതിന് നടിയെ സിനിമാ നിർമാതാവ് നടുറോഡില് കുത്തിവീഴ്ത്തിയത് ഏറെ ഞെട്ടലോടെയാണ് സിനിമ ലോകം കണ്ടത് തന്നെ. ഹിന്ദി സീരിയൽ സിനിമാ നടി മല്വി മല്ഹോത്രയെയാണ് നിര്മാതാവ് യോഗേഷ് മഹിപാല് സിങ് കത്തികൊണ്ട് കുത്തിപ്പരിക്കേല്പ്പിച്ചത്. നടിക്ക് മൂന്ന് തവണയാണ് കുത്തേറ്റത്. മല്വി ആശുപത്രിയില് ചികിത്സയിൽ കഴിയുകയാണ്. കഴിഞ്ഞ ദിവസം മുംബൈയിലെ അന്ധേരിയിലാണ് സംഭവം.
കഴിഞ്ഞ തിങ്കളാഴ്ച രാത്രി മല്വി കഫേയില് നിന്നും വീട്ടിലേക്ക് പോകുമ്പോഴായിരുന്നു സംഭവം. നടിയുടെ കാർ തടഞ്ഞു നിർത്തിയാണ് യോഗേഷ് കത്തികൊണ്ട് ക്രൂരമായി ആക്രമിച്ചത്. ഇരുവരും സുഹൃത്തുക്കളായിരുന്നു. എന്നാൽ യോഗേഷ് വിവാഹാഭ്യര്ഥന നടത്തിയതോടെ നടി സൗഹൃദം ഉപേക്ഷിക്കുകയും ചെയ്തു. ഇക്കാര്യം ചോദിക്കാന് നടിയുടെ കാര് യോഗേഷ് തടഞ്ഞുനിർത്തിയതിനെ തുടർന്ന് ഉണ്ടായ വാക്കുതര്ക്കത്തിനിടെ യോഗേഷ് കത്തി കൊണ്ട് മല്വിയെ കുത്തുകയായിരുന്നുവെന്നാണ് പൊലീസ് വ്യക്തമാക്കിയത്. എന്നാൽ വയറിലും ഇരു കൈകളിലുമാണ് മല്വിക്ക് കുത്തേറ്റത്. പിന്നാലെ ഇയാള് സംഭവ സ്ഥലത്ത് നിന്ന് ഓടിരക്ഷപ്പെടുകയുണ്ടായി.
https://www.facebook.com/Malayalivartha