മൂന്ന് വയസുള്ളപ്പോൾ പീഡനത്തിനിരയായിട്ടുണ്ടെന്ന് വെളിപ്പെടുത്തി ബോളിവുഡ് നടി ഫാത്തിമ സന ഷെയ്ഖ്. സമൂഹത്തിൽ നിലനിൽക്കുന്ന ലിംഗ വിവേചനത്തെക്കുറിച്ച് പറയുന്നതിനിടെയാണ് ചെറിയ പ്രായത്തിൽ നേരിട്ട ദുരനുഭവത്തെക്കുറിച്ച് താരം തുറന്നു പറഞ്ഞത്.

ലൈംഗിക ബന്ധത്തിലൂടെ മാത്രമേ ജോലി ലഭിക്കൂ എന്ന് പറയുന്ന നിരവധി പേരുണ്ട്. അത്തരക്കാരെ താൻ കണ്ടിട്ടുണ്ട്. സിനിമ മേഖലയിൽ മാത്രമല്ല ലിംഗവിവേചനം നിലനിൽക്കുന്നത്. നിരവധി പ്രശ്നങ്ങൾ അനുഭവിക്കുന്നവർ ഇവിടെയുണ്ട്. അഞ്ച് വയസുള്ളപ്പോഴാണ് താൻ പിഡീപ്പിക്കപ്പെട്ടതെന്ന് പറഞ്ഞ ഫാത്തിമ സന, അത് തിരുത്തി മൂന്ന് വയസുള്ളപ്പോഴാണ് ലൈംഗികാതിക്രമത്തിനിരയായതെന്ന് വ്യക്തമാക്കി.

ലിംഗവിവേചനം സമൂഹത്തിൽ എത്രത്തോളം ആഴത്തിൽ വേരോടിയിട്ടുണ്ടെന്ന് ഇതിൽ നിന്ന് മനസിലാക്കും. സ്ത്രീകളും ന്യൂനപക്ഷവും അടങ്ങുന്ന സമൂഹം വിവേചനത്തിനെതിരെ പോരടിച്ചുകൊണ്ടിരിക്കുകയാണെന്നും ഫാത്തിമ സന പറഞ്ഞു

സിനിമയില്‍ വന്ന കാലത്ത് കാസ്റ്റിങ് കൌച്ച് നേരിടേണ്ടിവന്നുവെന്നും ഒരു മാഗസിനു നൽകിയ നല്‍കിയ അഭിമുഖത്തില്‍ ഫാത്തിമ സന വെളിപ്പെടുത്തി.

ലൈംഗിക അതിക്രമത്തെ കുറിച്ച് പല സ്ത്രീകളും തുറന്നു പറയാറില്ല. ഇതൊക്കെ തുറന്നുപറഞ്ഞാല്‍ ആളുകള്‍ എന്തുകരുതും എന്ന ചിന്തയാണ് പലര്‍ക്കും. ഇപ്പോള്‍ ഈ ചിന്തക്ക് കുറച്ചൊക്കെ മാറ്റം വരുന്നുണ്ട്. നാളെയെ കുറിച്ച് എനിക്ക് പ്രതീക്ഷയുണ്ട്"- ഫാത്തിമ പറഞ്ഞു.

കാസ്റ്റിങ് കൌച്ചിനെ കുറിച്ച് ഫാത്തിമ സന പറഞ്ഞിങ്ങനെ- "സിനിമയിൽ അവസരങ്ങൾ ലഭിക്കണമെങ്കിൽ ലൈംഗിക ആവശ്യങ്ങൾക്ക് വഴങ്ങണമെന്നാണ് എന്നോട് പറഞ്ഞത്. നല്ല പ്രൊജക്ടുകൾ ലഭിക്കാൻ വേറെ വഴിയില്ല എന്ന തരത്തിലാണ് പറഞ്ഞത്. അതിനു വഴങ്ങാത്തതിനാൽ കുറേ പ്രൊജക്ടുകൾ നഷ്ടമായിട്ടുണ്ട്," ഫാത്തിമ സന വെളിപ്പെടുത്തി.

കാണാൻ ദീപിക പദുക്കോണിനെ പോലെയോ ഐശ്വര്യ റായിയെ പോലെയോ അല്ലാത്തതിനാൽ സിനിമ നടിയാവാൻ സാധ്യതയില്ലെന്ന് ചിലർ പറഞ്ഞതായി ഫാത്തിമ സന തുറന്നു പറഞ്ഞു

1997ല്‍ ബാലാതാരമായാണ് ഫാത്തിമ സന സിനിമയിലെത്തിയത്. ചാച്ചി 420 എന്ന ചിത്രത്തില്‍ കമല്‍ഹാസന്‍റെ മകളായി അഭിനയിച്ചു. ആമിർ ഖാൻ ചിത്രമായ ദംഗലില്‍ ശ്രദ്ധേയ വേഷം ചെയ്തു. തഗ്സ് ഓഫ് ഹിന്ദൊസ്ഥാൻ എന്ന ചിത്രത്തിലും സുപ്രധാന വേഷം ചെയ്തു. അനുരാഗ് ബാസുവിന്റെ ലുഡോ ആണ് ഫാത്തിമയുടെ പുതിയ ചിത്രം. നെറ്റ്ഫ്ലിക്സില്‍ നവംബര്‍ 12ന് ഈ ചിത്രം റിലീസ് ചെയ്യും