ബോളിവുഡ് ലഹരിമരുന്ന് കേസിൽ കണ്ണികളെ തേടി നാക്കോട്ടിക്സ് സംഘം....ബോളിവുഡ് നടൻ അർജുൻ രാംപാലിന്റെ മുംബൈയിലെ വസതിയിൽ റെയ്ഡ്....ബോളിവുഡ് നിര്മ്മാതാവ് ഫിറോസ് നാദിയാവാലയുടെ വീട്ടില് നിന്ന് മൂന്നര ലക്ഷം രൂപ വിലവവരുന്ന പത്ത് ഗ്രാം കഞ്ചാവ് പിടിച്ചെടുത്തു
ബോളിവുഡ് ലഹരിമരുന്ന് കേസിൽ കണ്ണികളെ തേടി നാക്കോട്ടിക്സ് സംഘം.ലഹരിമരുന്നു കേസുകളുമായി ബന്ധപ്പെട്ട് നടന് അര്ജുന് രാംപാലിന്റെ വീട്ടില് റെയ്ഡ്. നാര്ക്കോട്ടിക്സ് സംഘമാണ് പരിശോധന നടത്തിയത്. നടന്റെ മുംബൈയിലെ വസതിയിലാണ് എന്സിബി ഉദ്യോഗസ്ഥര് പരിശോധന നടത്തുന്നത്. ഇന്നലെ ഇതേ കേസില് പ്രമുഖ ബോളിവുഡ് നിര്മ്മാതാവ് ഫിറോസ് നാദിയാവാലയുടെ ഭാര്യ ഷബാന സയീദ് അറസ്റ്റിലായിരുന്നു.
ഫിറോസിന്റെ വീട്ടില് നടത്തിയ റെയിഡിനിടെ മൂന്നര ലക്ഷം രൂപ വിലവവരുന്ന പത്ത് ഗ്രാം കഞ്ചാവും അന്വേഷണസംഘം കണ്ടെത്തി. ഷബാനയുടെ അറസ്റ്റ് വിവരം എന്സിബി സോണല് ഡയറക്ടര് സമീര് വാങ്കഡെ ആണ് സ്ഥിരീകരിച്ചത്. ഫിറോസിനും എന്സിബി സമന്സ് അയച്ചിട്ടുണ്ട്.
നടന് സുശാന്ത് സിങ് രജപുത്തിന്റെ മരണത്തിന് പിന്നാലെയാണ് സിനിമ രംഗത്തെ ലഹരി ഇടപാടുകള് സംബന്ധിച്ച് അന്വേഷണം ആരംഭിച്ചത്. നടന്റെ മരണത്തില് അന്വേഷണം നടക്കുന്നതിനിടെ പുറത്തുവന്ന വാട്സാപ്പ് ചാറ്റുകളെ പിന്തുടര്ന്നാണ് പ്രമുഖ താരങ്ങളിലേക്കടക്കം അന്വേഷണം വ്യാപിച്ചത്.
https://www.facebook.com/Malayalivartha