ബോളിവുഡ് നടന് ആസിഫ് ബസ്റ തൂങ്ങിമരിച്ച നിലയില്
ധര്മശാലയിലെ മക്ലിയോഡ്ഗഞ്ചിലെ വാടകകെട്ടിടത്തില് ബോളിവുഡ് നടനും ടെലിവിഷന് താരവുമായ ആസിഫ് ബസ്റയെ (53) തൂങ്ങിമരിച്ച നിലയില് കണ്ടെത്തി. ഫൊറന്സിക് സംഘം സ്ഥലത്തെത്തി. അസ്വാഭാവിക മരണത്തിന് കേസെടുത്തു.
മഹാരാഷ്ട്രയിലെ അമരാവതിയില് 1967-ല് ജനിച്ച ബസ്റ അഭിനേതാവാകാനുള്ള അഭിനിവേശത്തില് 1989-ല് മുംബൈയിലേക്ക് താമസം മാറി. ഹിന്ദി, ഉര്ദു, ഇംഗ്ലിഷ് നാടകമേഖലയിലും ഏറെ ശ്രദ്ധയനായി.
ഹിമാചലിലെ പ്രധാന വിനോദസഞ്ചാര കേന്ദ്രങ്ങളില് ഒന്നും ടിബറ്റന് സെറ്റില്മെന്റുമായ മക്ലിയോഡ്ഗഞ്ചില് ആസിഫ് ബസ്ര ഒരു കെട്ടിടവും സ്ഥലവും വാടകയ്ക്ക് എടുത്തിരുന്നു. ഇവിടെയാണ് അദ്ദേഹത്തെ മരിച്ചനിലയില് കണ്ടെത്തിയത്.
മോഹന്ലാല് നായകനായ 'ബിഗ് ബ്രദര്' എന്ന മലയാള ചിത്രത്തില് മുത്താന എന്ന കഥാപാത്രത്തെ അവതരിപ്പിച്ചു. ബ്ലാക്ക് ഫ്രൈഡേ, പാര്സാനിയ, ജബ് വീ മെറ്റ്, ക്രിഷ് 3 എന്നിവയുള്പ്പെടെ നിരവധി ബോളിവുഡ് ചിത്രങ്ങളില് അഭിനയിച്ചു. 'പാതാള് ലോക്' എന്ന ത്രില്ലര് വെബ് സീരീസിലെ അഭിനയം ഏറെ ശ്രദ്ധ നേടി.
ജൂണ് 4-ന് മുംബൈയിലെ വസതിയില് ബോളിവുഡ് താരം സുശാന്ത് സിങ് രാജ്പുതിനെ ജീവനൊടുക്കിയ നിലയില് കണ്ടെത്തിയിരുന്നു. ഇതിനു പിന്നാലെ ബോളിവുഡിലെ മറ്റൊരു താരത്തെ ആത്മഹത്യ ചെയ്ത നിലയില് കണ്ടെത്തിയതിന്റെ ഞെട്ടലിലാണ് ഹിന്ദി ചലച്ചിത്ര ലോകം.
https://www.facebook.com/Malayalivartha