ഹാസ്യതാരം ഭാര്‍തി സിങ്ങ്​ അറസ്റ്റില്‍. വീട്ടില്‍ നാര്‍ക്കോട്ടിക്​സ്​ കണ്‍ട്രോള്‍ ബ്യൂറോ നടത്തിയ റെയ്​ഡില്‍ കഞ്ചാവ്​ കണ്ടെത്തിയതിനെ തുടര്‍ന്ന്​ ഭാര്‍തിയെയും ഭര്‍ത്താവ്​ ഹാര്‍ഷ്​ ലിംബാച്ചിയയെയും എന്‍‌സിബിയുടെ മുംബൈ ഓഫീസിലേക്ക് ചോദ്യം ചെയ്യാനായി കൊണ്ടുപോയിരുന്നു. അതിന്​ പിന്നാലെയാണ്​ അറസ്റ്റ്​. ഇരുവരും നിരോധിത ലഹരി വസ്​തുക്കള്‍ ഉപയോഗിക്കുന്നതായി വിവരം ലഭിച്ചതിനെ തുടര്‍ന്നായിരുന്നു എന്‍.സി.ബി മുംബൈയിലെ വീട്ടില്‍ റെയ്​ഡ് നടത്തിയത്​. റെയ്​ഡില്‍ കുറഞ്ഞ അളവില്‍ കഞ്ചാവ്​ കണ്ടെത്തുകയും ചെയ്​തു.

മറ്റൊരു കേസുമായി ബന്ധപ്പെട്ട്​ ഒരു മയക്കുമരുന്ന് ഡീലറെ ചോദ്യം ചെയ്യുന്നതിനിടെയാണ്​ ഭാര്‍തി സിങ്ങിന്റെ പേര് ഉയര്‍ന്നുവന്നതെന്ന്​ എന്‍‌സി‌ബി ഉദ്യോഗസ്ഥനെ ഉദ്ധരിച്ച്‌​ ന്യൂസ്​ ഏജന്‍സിയായ പി.ടി.​െഎ റിപ്പോര്‍ട്ട്​ പറയുന്നു. 'അവരുടെ വീട്ടില്‍ നടത്തിയ തിരച്ചിലില്‍ "ചെറിയ അളവില്‍ കഞ്ചാവ്" കണ്ടെടുത്തു. മുംബൈയിലെ മറ്റ് രണ്ട് സ്ഥലങ്ങളിലും ഏജന്‍സി തിരച്ചില്‍ നടത്തിയതായും ഉദ്യോഗസ്ഥര്‍ അറിയിച്ചു.

നടന്‍ സുശാന്ത്​ സിങ്​ രജ്​പുത്തി​െന്‍റ മരണവുമായി ബന്ധപ്പെട്ട അന്വേഷണം ബോളിവുഡിലെ ലഹരി മാഫിയയിലേക്കും നീളു​കയായിരുന്നു. കുറച്ചുദിവസം മുമ്ബ്​ നടന്‍ അര്‍ജുന്‍ ​രാംപാലി​െന്‍റ വീട്ടില്‍ റെയ്​ഡ്​ നടത്തുകയും ചോദ്യം ചെയ്യുന്നതിനായി മുംബൈയിലെ ഓഫിസിലേക്ക്​ വിളിച്ചുവരുത്തുകയും ചെയ്​തിരുന്നു.