കാര്‍ഷിക നിയമങ്ങള്‍ക്കെതിരെ കര്‍ഷകര്‍ നടത്തുന്ന സമരം സിനിമ മേഖലയിലേക്കും ചുവടുവയ്ച്ചിരിക്കുകയാണ്. ജാന്‍വി കപൂര്‍ നായികയായി അഭിനയിക്കുന്ന ചിത്രത്തിന്റെ ചിത്രീകരണം തടസപ്പെടുത്തി പ്രതിഷേധക്കാര്‍. പഞ്ചാബിലെ പട്യാലയില്‍ ഗുഡ് ലക് ജെറി എന്ന സിനിമയുടെ ലൊക്കേഷനിലായിരുന്നു സംഭവം. പുതിയ കാര്‍ഷിക നിയമങ്ങള്‍ക്കെതിരെ നടി പ്രസ്താവന ഇറക്കണമെന്നാവശ്യപ്പെട്ടായിരുന്നു ഒരു സംഘം ആളുകളെത്തിയത്. ഇത് രണ്ടാം തവണയാണ് സിനിമയുടെ ചിത്രീകരണം കര്‍ഷകര്‍ തടസപ്പെടുത്തുന്നത്. ശനിയാഴ്ച പാട്യാലയിലെ ബാഗിലാണ് ചിത്രീകരണം നടന്നത്.