സിനിമയിലെ നായകനല്ലെങ്കിലും കിംഗ് ഖാന്റെ മകൻ ആര്യൻ ഖാന് ആരാധകർ ഏറെയാണ്. താരപുത്രന്റെ അറസ്റ്റിനെ കുറിച്ച്‌ ആരാധകരും ബോളിവുഡ് സിനിമാ ലോകവും ഏറെ ഞെട്ടലോടെയാണ് കേട്ടത്. ദേശീയ മാധ്യമങ്ങളുടെയും, വിനോദ മാധ്യമങ്ങളുടേയും പ്രധാനപ്പെട്ട ഹെഡ് ലൈനായി മാറിക്കഴിഞ്ഞു ആര്യന്‍ ഖാൻ.

ഇതിനിടെ സോഷ്യൽ മീഡിയയിൽ താര പുത്രനുമായി ബന്ധപ്പെട്ട പഴയ കഥകളാണ് ചർച്ചയാകുന്നത്. ആര്യന്റെ മകനാണ് അബ്രാം എന്നുള്ള വാര്‍ത്തകള്‍ കുഞ്ഞിന്റെ ജനനം മുതല്‍ തന്നെ പ്രചരിച്ചിരുന്നു. ഇതുമായി ബന്ധപ്പെട്ട പല റിപ്പോര്‍ട്ടുകളും പ്രചരിച്ചിരുന്നു.

ആര്യന് 15 വയസ് പ്രയാമുള്ളപ്പോഴാണ് എസ്‌ആര്‍കെയുടെ ഇളയമകന്‍ ജനിക്കുന്നത്. ഈ വാർത്തയെക്കുറിച്ചുള്ള താരത്തിന്റെ വാക്കുകളാണ് ഇപ്പോൾ വൈറലാകുന്നത്. 2017ല്‍ ആയിരുന്നു നടന്റെ പ്രതികരണം.

നാല് വര്‍ഷം മുമ്പാണ് തനിക്കും ഭാര്യ ഗൗരി ഖാനും മൂന്നാമത് ഒരു കുഞ്ഞ് വേണമെന്ന് തീരുമാനിക്കുന്നതും കുഞ്ഞ് ജനിക്കുന്നതും. കുഞ്ഞുണ്ടായപ്പോള്‍ അത് പതിനഞ്ച് വയസ്സുള്ള എന്റെ മൂത്ത മകന്‍ ആര്യന്റെ കുഞ്ഞാണെന്ന തരത്തില്‍ ഇന്റര്‍നെറ്റില്‍ പ്രചരണം ഉണ്ടായി. റൊമാനിയക്കാരി കാമുകിയിലാണ് ആര്യന് അബ്രാം ജനിച്ചതെന്നും മകന്റെ കുഞ്ഞിനെ ഞാന്‍ എടുത്തു വളര്‍ത്തുന്നു എന്നുമായിരുന്നു കഥകള്‍.

റൊമാനിയയില്‍വെച്ച് ഓടിക്കൊണ്ടിരുന്ന കാറില്‍ ആര്യന്‍ കാമുകിയെ ഗര്‍ഭണിയാക്കിയെന്ന മട്ടിലായിരുന്നു പ്രചാരണം. ഇതിനായി ഒരു വ്യാജ വീഡിയോയും ഉണ്ടാക്കി പ്രചരിപ്പിച്ചു. ഇത് ഞങ്ങളുടെ കുടുംബത്തെ വല്ലാതെ വിഷമിപ്പിച്ചു.

ഇപ്പോള്‍ 19 വയസ്സായ എന്റെ മൂത്ത മകന്, അവനോടാരെങ്കിലും ഹലോയെന്നു വിഷ് ചെയ്താല്‍ ചുറ്റും നോക്കി അവന്‍ പറയും, എനിക്ക് ഒരു യൂറോപ്യന്‍ ഡ്രൈവിംഗ് ലൈസന്‍സ് പോലുമില്ല, ബ്രോ എന്ന്. അതേ സമയം വാടക ഗര്‍ഭധാരണത്തിലൂടെയാണ് അബ്രാം ഖാന്‍ ജനിച്ചതെന്ന് നടന്‍ തുറന്ന് സമ്മതിച്ചിരുന്നു.

ചെറിയ സമയം കൊണ്ട് ഒരു വേദി മുഴുവനന്‍ കയ്യിലെടുക്കുന്ന ഷാരൂഖ് ഖാന്റെ വിപരീതമാണ് മകന്‍ ആര്യന്. അച്ഛന് പിന്നാലെ സിനിമയില്‍ എത്തുമെന്ന് കരുതിയ മകന്‍ ഇതുവരെ ക്യാമറയുടെ മുന്നില്‍ പ്രത്യക്ഷപ്പെട്ടിട്ടില്ല.

സിനിമയുടെ അണിയറയില്‍ പ്രവര്‍ത്തിക്കാനാണ് ആര്യന് താല്‍പര്യമെന്ന് ഷാരൂഖ് തന്നെ ഒരു അഭിമുഖത്തില്‍ പറഞ്ഞിരുന്നു. ഇക്കഴിഞ്ഞ ഒക്ടോബര്‍ 2ന് ആണ് ആര്യന്‍ ഖാനെ എന്‍സിബി അറസ്റ്റ് ചെയ്തത്. താരപുത്രന് ഇതുവരെ ജാമ്യം ലഭിച്ചിട്ടില്ല.

ആര്യന്‍ ഉള്‍പ്പെടയുള്ള എട്ട് പ്രതികളെ14 ദിവസത്തെ ജുഡീഷ്യല്‍ കസ്റ്റഡിയില്‍ വിടാന്‍ കോടതി ഉത്തരവ് ഇട്ടിരിക്കുകയാണ്. തെറ്റ് ചെയ്തിട്ടില്ലെന്നും ആര്യന്‍ ക്ഷണിക്കപ്പെട്ടതിന്റെ അടിസ്ഥാനത്തിലാണ് പാര്‍ട്ടിയില്‍ പങ്കെടുത്തതെന്നും ആര്യന്റെ അഭിഭാഷകന്‍ കോടതിയില്‍ വാദിച്ചിരുന്നു. എന്നാല്‍ ഇത് അംഗീകരിക്കാന്‍ കോടതി തയ്യാറായിരുന്നില്ല.