ആര്യന്റെ അറസ്റ്റോടെ ബോളിവുഡ് സിനിമാലോകം ഒന്നടങ്കം വിറങ്ങലിച്ചിരിയ്ക്കുകയാണ്. ഒപ്പം അനന്യയെ കൂടി ചോദ്യം ചെയ്തതോടെ ഇനി ആര് എന്ന ചോദ്യമാണ് ഉയരുന്നത്. ലഹരിക്കേസ് കൂടുതൽ പ്രമുഖരിലേക്ക് നീങ്ങുമോയെന്ന ആകാംഷയിലാണ് ബോളിവുഡ്.ആര്യൻ ഖാനെതിരെ എൻ സി ബി  പുതിയതായി കണ്ടെത്തിയ തെളിവുകളിൽ താരം ഒരു യുവ നടിയുമായുള്ള ചാട്ട ചെയ്തതിന്റെ  വിവരങ്ങൾ പുറത്തുവന്നിരുന്നു.അത് ഏത് നടിയാണെന്നു തിരക്കിയ ജനങ്ങൾ പിറ്റേന്ന് കേട്ടത് അനന്യ പാണ്ഡെയുടെ പേരായിരുന്നു.

കേസില്‍ നടി അനന്യ പാണ്ഡെയെ ചോദ്യം ചെയ്തതും വീട്ടില്‍ റെയ്ഡ് നടത്തിയതും വാട്ട്‌സ്ആപ്പ് ചാറ്റ് കേന്ദ്രീകരിച്ച് നടന്ന അന്വേഷണത്തിലായിരുന്നു. അനന്യ പാണ്ഡയെ നാര്‍കോട്ടിക്‌ കണ്‍ട്രോള്‍ ബ്യൂറോ കഴിഞ്ഞ ദിവസം  ചോദ്യം ചെയ്തിരുന്നു.എന്നാൽ നടി നൽകിയ മറുപാടികളിൽ വ്യക്തത ഇല്ലാത്തതിനാൽ വീണ്ടും ഇന്ന് വിളിച്ചുവരുത്തി.

എൻ സി ബി യുടെ പക്കലുള്ള അനന്യയും ആര്യനുമായുള്ള ചാറ്റുകൾ അനന്യയ്ക്ക് ഉദ്യോഗസ്ഥർ  കാണിച്ചു കൊടുത്തു.എന്നാൽ താൻ ആര്യൻ ഖാനുമായി തമാശ പറയുകയാണെനന്നായിരുന്നു  അനന്യ ആദ്യം പ്രതികരിച്ചത്.പിന്നീട് നടി കുറ്റം സമ്മതിച്ചതായാണ് റിപോർട്ടുകൾ പുറത്തുവരുന്നത്.

കഞ്ചാവ് ലഭിക്കുമോ എന്ന് ആര്യന്‍ ചോദിക്കുമ്പോള്‍, ശരിയാക്കാം എന്ന് അനന്യ പറയുന്നു. എന്നാല്‍ നടി നിരോധിത ലഹരിപദാര്‍ഥങ്ങള്‍ ആര്യന് എത്തിച്ചു നല്‍കിയതിന് തെളിവുകളൊന്നും ലഭിച്ചിട്ടില്ല. ആര്യൻ സ്ഥിരമായി മയക്കുമരുന്ന് ഉപയോഗിക്കുന്നയാളാണെന്നും അനന്യയുമായി വാട്ട്‌സ്ആപ്പിലെ മരുന്നുകളെക്കുറിച്ച് പതിവായി സംസാരിക്കാറുണ്ടെന്നും ഏജൻസി അവകാശപ്പെടുന്നു.ഇന്ന് ചോദ്യം ചെയ്യുന്നതിൽ എൻ‌സി‌ബിക്ക് തൃപ്തിയില്ലെങ്കിൽ, അനന്യയെ നാളെ മറ്റൊരു റൗണ്ട് ചോദ്യം ചെയ്യലിന് വിളിച്ചേക്കാം.

ബോളിവുഡ് സൂപ്പർ താരം ചങ്കി പാണ്ഡെയുടെ മകളാണ് അനന്യ.കഴിഞ്ഞ ദിവസം അനന്യയുടെ വീട്ടിൽ നടത്തിയ റെയ്ഡിലാണ് ലാപ്ടോപ്പും മൊബൈൽ ഫോണുമടക്കം എൻ സി ബി പിടിച്ചെടുത്തത്. ഫോണും ലാപ്‌ടോപ്പും ശാസ്ത്രീയ പരിശോധനയ്ക്ക് വിധേയമാക്കാനാണ് എന്‍സിബിയുടെ തീരുമാനം.

ആര്യന് പിന്നാലെ അനന്യയും അഴിക്കുള്ളിലാകുമോയെന്നാണ് ബോളിവുഡ് ഉറ്റുനോക്കുന്നത്. ആര്യൻ ഖാന്റെയും സുഹാന ഖാന്റെയും ആത്മ മിത്രമാണ് അനന്യ. ഷാരുഖ് തന്റെ രണ്ടാം അച്ഛനാണ് എന്ന് അനന്യ മുൻപ് പറഞ്ഞിട്ടുണ്ട്. ‘ഷാരൂഖ് ഖാന്‍ എന്റെ രണ്ടാമത്തെ അച്ഛനാണെന്ന് പറയാം. എന്റെ ബെസ്റ്റ് ഫ്രണ്ടിന്റെ അച്ഛനാണ് അദ്ദേഹം’, അനന്യ മുൻപൊരിക്കൽ അഭിമുഖത്തിൽ പറഞ്ഞ വാക്കുകളാണിത്.

എന്നാൽ ഷാരൂഖിന്റെ മകളും കുരുങ്ങുമോ എന്ന തരത്തിൽ ചില സംശയങ്ങൾ ഉയരുന്നുണ്ട്.
അനന്യ യ്ക്ക്  സുഹാനയുമായുള്ള  ബന്ധം   ആണ് സുഹാനയും കുടുക്കുമോ  എന്ന സംശയത്തിലേക്ക് വിരൽ ചൂണ്ടുന്നത്... ലഹരി ഉപയോഗവുമായി ബന്ധപ്പെട്ട് ആര്യൻ ഖാൻ നടിക്ക് വാട്‌സ് ആപ്പ് ചാറ്റ് അയച്ചിരുന്നു എന്നാണ് ലഭ്യമാകുന്ന സൂചന. ഇതുമായി ബന്ധപ്പെട്ട രേഖകള്‍ എന്‍സിബി കഴിഞ്ഞ ദിവസം കോടതിയില്‍ സമര്‍പ്പിക്കുകയും ചെയ്തു.എന്‍സിബി നടത്തിയ റെയ്ഡില്‍ ലാപ്ടോപ്പും മൊബൈല്‍ ഫോണും പിടിച്ചെടുത്തിട്ടുണ്ട് . ഇതിലും നിര്‍ണായക വിവരങ്ങള്‍ ലഭിച്ചതായാണ് സൂചനകൾ പുറത്ത് വരുന്നത് . നടൻ ചങ്കി പാണ്ഡെയുടെയും ഭാവന പാണ്ഡെയും മകളാണ് 22കാരിയായ അനന്യ.

ഷാരൂഖ് ഖാന്റെ മകളായ സുഹാനയുടെ ഏറ്റവും അടുത്ത സുഹൃത്താണ് അനന്യ. ഇത് പലപ്പോഴും അനന്യ തുറന്നു പറഞ്ഞിട്ടുള്ള കാര്യവുമാണ്. മാദ്ധ്യമങ്ങളിൽ നിന്ന് അകലം പാലിക്കുന്ന ഷാരൂഖിന്റെ രണ്ട് മക്കളേയും കുറിച്ചുള്ള നിരവധി വിവരങ്ങൾ അനന്യ പറ‌ഞ്ഞാണ് പുറം ലോകം അറിഞ്ഞിട്ടുള്ളത്. കുറച്ചു കാലങ്ങൾക്ക് മുമ്പ് മാദ്ധ്യമങ്ങൾക്ക് നൽകിയ അഭിമുഖത്തിൽ ഷാരൂഖ് ഖാന്റെ രണ്ട് മക്കളും വളരെയേറെ കഴിവുകളുള്ളവരാണെന്നും ഇരുവരും ജീവിതത്തിൽ ഉയർന്ന നിലകളിലെത്തുമെന്നും അനന്യ പറഞ്ഞിരുന്നു.

അഭിനയത്തെക്കാളും ആര്യന് താത്പര്യം സംവിധാനമാണെന്നും നല്ല രീതിയിൽ എഴുതാൻ കഴിവുള്ളയാളാണ് ഷാരൂഖിന്റെ മകനെന്നും അനന്യ വ്യക്തമാക്കിയിരുന്നു.പാർട്ടികളിൽ മൂവരും ഒരുമിച്ചുള്ള ചിത്രങ്ങൾ സാമൂഹിക മാദ്ധ്യമങ്ങളിൽ വ്യാപകമായി ലഭ്യമാണ്. പാർട്ടികൾ ഇഷ്ടപ്പെടുന്ന സ്വഭാവമാണ് മൂവരുടേതും. ഇവരുടെ കുടുംബങ്ങൾ തമ്മിലും വളരെ അടുപ്പത്തിലാണ്. അനന്യയുടെ അമ്മ ഭാവനാ പാണ്ഡേയും ആര്യന്റെ അമ്മ ഗൗരീ ഖാനും വളരെ അടുത്ത സുഹൃത്തുക്കളുമാണ്. അമ്മമാർ തമ്മിലുള്ള സൗഹൃദം കാരണം ചെറുപ്പം മുതലേ ആര്യനും സുഹാനയും അനന്യയും വളരെ അടുപ്പത്തിലായിരുന്നു.