കോമാളികളുടെ ചുവടുകൾ, ഇതിനേക്കാൾ നന്നായി കുട്ടികൾ നൃത്തം ചെയ്യും, ആലിയ്ക്കെതിരെ ട്രോളുകളുടെ പൊടിപൂരം
ആദിത്യ സീൽ- അനുഷ്ക രഞ്ജൻ എന്നിവരുടെ വിവാഹവേദിയിൽ നൃത്തം ചെയ്ത ആലിയ ഭട്ടിനെതിരെ ട്രോളുകൾ ഉയരുകയാണ്. .വിവാഹ വേദിയിൽ സുഹൃത്തുക്കൾക്കൊപ്പം ചെയ്ത നൃത്തത്തിന്റെ പേരിൽ ആലിയയെ ട്രോളൻമാർ വേട്ടയാടുകയാണ്.
വിവാഹത്തോട് അനുബന്ധിച്ചു നടത്തിയ സംഗീത് സെറിമണിയിലാണ് ആലിയയും ചുവടുവെച്ചത്. അനുഷ്കാ രഞ്ജന്റെ ആത്മാർഥ സുഹൃത്ത് കൂടിയായ ആലിയ 'ചൽകാ ചൽകാ രേ' എന്ന ഗാനത്തിനൊപ്പമാണ് ചുവടുകൾ വച്ചത്. എന്നാൽ ആലിയയുടെ പ്രകടനം തീരെ മോശമായെന്നാണ് വീഡിയോക്ക് കീഴെ കമന്റുകൾ ഉയർന്നത്.
പാട്ടിനു ചേരുന്ന ചുവടുകളല്ല, സ്കൂൾ ഫങ്ഷനിലെ നൃത്തം പോലുണ്ടെന്നും ഇതിനേക്കാൾ നന്നായി കുട്ടികൾ നൃത്തം ചെയ്യും എന്നും കോമാളികളുടെ ചുവടുകൾ പോലെയുണ്ട് എന്നുമൊക്കെ കമന്റുകൾ ചെയ്തവരുണ്ട്. എന്നാൽ ഇക്കൂട്ടത്തിൽ നടിയെ പിന്തുണയ്ക്കുന്നവരുമുണ്ട്.
എന്തിനും ഏതിനും ട്രോളുമായി എത്തുന്നവർ ആലിയയുടെ വ്യക്തി സ്വാതന്ത്ര്യത്തെ വിസ്മരിക്കരുതെന്ന് അനുകൂലികൾ പറയുന്നു. അഭിനേത്രി എന്നത് അവരെ എന്തും പറയാനുള്ള സ്വാതന്ത്ര്യമായി കണക്കാക്കരുതെന്നും താരത്തെ പിന്തുണയ്ക്കുന്നവർ പറയുന്നു.
https://www.facebook.com/Malayalivartha