ക്രിസ്മസ് ട്രീയുടെ അരികിൽ ആലിംഗനം ചെയ്ത് നവദമ്പതികളായ വിക്കി കൗശലും കത്രീന കൈഫും. വിവാഹ ശേഷമുള്ള ആദ്യത്തെ ക്രിസ്മസ് ആഘോഷിച്ചു കൊണ്ടുള്ള ചിത്രമാണ് പുറത്തുവന്നിരിക്കുന്നത്. വിക്കി ക്യാമറയിലേക്ക് നോക്കുന്നില്ലെങ്കിലും കത്രീന വളരെ സന്തോഷവതിയാണ്. വിക്കി ചിത്രം പോസ്റ്റ് ചെയ്തതിന് പിറകെ അദ്ദേഹത്തിന്റെ ആരാധകർ ഹാർട്ട് ഇമോജികൾ കമന്റ് ചെയ്യുകുയും ഇരുവരെയും “ക്യൂട്ട് കപ്പിൾസ്” എന്ന് ടാഗ് ചെയ്യുകയും ചെയ്തു.

കുറച്ച് നാളുകൾക്ക് ശേഷമാണ് കത്രീനയ്‌ക്കൊപ്പമുള്ള വിക്കിയുടെ പുതിയ പോസ്റ്റ്. കത്രീനയൊത്തുള്ള അവസാന പോസ്റ്റ് ഒരാഴ്ച മുമ്പാണ് വിക്കി പങ്കിട്ടത്. ദമ്പതികളുടെ വിവാഹത്തിൽ നിന്നുള്ള ഫോട്ടോ ആയിരുന്നു. “സ്നേഹിക്കാനും ബഹുമാനിക്കാനും വിലമതിക്കാനും” എന്നായിരുന്നു പോസ്റ്റ് പങ്കുവെച്ചുകൊണ്ട് വിക്കി എഴുതിയത്.

എന്നാൽ വിക്കി കൗശലും കത്രീന കൈഫും വിവാഹം കഴിഞ്ഞയുടൻ സിനിമാ തിരക്കുകളിലേക്കാകും പോകുകയെന്ന് നേരത്തെ റിപ്പോര്‍ട്ടുകളുണ്ടായിരുന്നു. കരാര്‍ പ്രകാരമുള്ള സിനിമകള്‍ തീര്‍ക്കാനായിരിക്കും ഇരുവരും പ്രാധാന്യം നല്‍കുക. ഇതുസംബന്ധിച്ച് വിക്കി കൗശലും കത്രീന കൈഫും ഔദ്യോഗികമായി പ്രതികരിച്ചിരുന്നില്ല.വിക്കി കൗശലും കത്രീന കൈഫും ഹണിമൂണ്‍ ആഘോഷത്തിന് യൂറോപ്പിലേക്ക് 60 ദിവസത്തേയ്‍ക്ക് യാത്ര പദ്ധതിയിടുന്നുവെന്നും സിനിമ മാധ്യമങ്ങള്‍ റിപ്പോര്‍ട്ട് ചെയ്‍തിരുന്നു.

ഏറെക്കാലത്തെ പ്രണയത്തിന് ശേമായിരുന്നു ഇവരുവരുടേയും വിവാഹം.വിക്കി കൗശലിന്റെ കത്രീനയുടെയും വിവാഹത്തില്‍ പങ്കെടുക്കാൻ 120 പേര്‍ക്കായിരുന്നു ക്ഷണം ഉണ്ടായത്. വിവാഹത്തില്‍ പങ്കെടുക്കുന്ന അതിഥികള്‍ക്ക് രഹസ്യ കോഡ് ഏര്‍പ്പെടുത്തിയെന്നും റിപ്പോര്‍ട്ടുണ്ടായിരുന്നു.

മുറിക‍ള്‍ തുറക്കാൻ പോലും രഹസ്യ കോഡ് ഉപയോഗിക്കണമായിരുന്നു. കൊവിഡ് പ്രോട്ടോക്കോള്‍ കര്‍ശനമായി പാലിച്ചായിരുന്നു വിവാഹം.
വിവാഹ ശേഷമുള്ള ആചാരത്തിന്റെ ഭാഗമായി ഉണ്ടാക്കിയ ഹല്‍വയുടെ ഫോട്ടോ കത്രീന കൈഫ് പങ്കുവെച്ചിരുന്നു. മികച്ച ഹല്‍വ എന്ന് വിക്കി കൗശല്‍ ഫോട്ടോ പങ്കുവെച്ച് കുറിച്ചിരുന്നു.