ബോളിവുഡ് മറ്റൊരു താരവിവാഹത്തിന് കൂടി സാക്ഷിയാകും, രണ്ബീര് കപൂറും ആലിയ ഭട്ടും ഈ മാസം വിവാഹിതരാകുന്നുവെന്ന് റിപ്പോര്ട്ട്, വിവാഹം അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ, ഇന്ത്യയിലെ ഏറ്റവും വലിയ വിവാഹത്തിനായി ആരാധകർ കാത്തിരിപ്പിൽ...!
വിക്കി കൗശൽ, കത്രീന കൈഫ് താരവിവാഹത്തിന് പിന്നാലെ ബോളിവുഡ് മറ്റൊരു താരവിവാഹത്തിന് കൂടി സാക്ഷിയാകുവാൻ ഒരുങ്ങുന്നു. യുവതാരങ്ങളായ രണ്ബീര് കപൂറും ആലിയ ഭട്ടും ഈ മാസം വിവാഹിതരാകുന്നുവെന്ന് റിപോര്ട്ടാണ് പുറത്തുവരുന്നത്. കത്രീനയുമായിട്ടുള്ള പ്രണയം അവസാനിപ്പിച്ചതിന് ശേഷമാണ് രണ്ബീര് ആലിയയുമായി ഇഷ്ടത്തിലാവുന്നത്. നാല് വര്ഷത്തിലേറെയായി ഇരുവരും പ്രണയത്തിലായിരുന്നു.
ഏപ്രില് രണ്ടാം വാരമാകും വിവാഹമെങ്കിലും തീയതി ഉറപ്പിച്ചിട്ടില്ലെന്ന് റിപോര്ട്ടുകള് പറയുന്നു. രണ്ബീറിന്റെ മാതാവ് നീതു കപൂര് സെലിബ്രിറ്റി ഡിസൈനര് മനീഷ് മല്ഹോത്രയുടെ സ്റ്റോറില് പ്രത്യക്ഷപ്പെട്ടതിന് പിന്നാലെയാണ് രണ്ബീര്-ആലിയ വിവാഹം ഉടന് ഉണ്ടാവുമെന്ന് അഭ്യൂഹങ്ങള് ഉയര്ന്നത്.മനീഷിനെ പിന്നീട് താരത്തിന്റെ വസതിയിലും കണ്ടു. ആലിയയും രണ്ബീറും ഷൂടിങ് തിരക്കുകള്ക്കിടയിലാണ്. വിവാഹത്തിനായി ഇരുവരും തീയതി തേടുന്നതായി അടുത്ത വൃത്തങ്ങള് പറഞ്ഞതായി ദേശീയ മാധ്യമങ്ങള് റിപോര്ട്ട് ചെയ്തു.
രാജസ്ഥാനിലെ ഉദയ്പൂരില് വച്ചാകും താരവിവാഹമെന്ന് നേരത്തെ റിപോര്ടുകള് വന്നെങ്കിലും മുംബൈയിലെ കപൂര് കുടുംബത്തില്വച്ച് പരിപാടി നടത്താനാണ് ഇപ്പോള് ഇരുകുടുംബങ്ങളും തീരുമാനിച്ചിരിക്കുന്നതെന്നാണ് വിവരം.അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലാകും വിവാഹം.
ബോളിവുഡ് ഇതിഹാസം രാജ് കപൂറിന്റെ കൊച്ചുമകനും നടന് ഋഷി കപൂറിന്റെ മകനുമാണ് രണ്ബീര്. പ്രശസ്ത സംവിധായകന് മഹേഷ് ഭട്ടിന്റെയും സോണി റസ്ദാന്റെയും മകളാണ് ആലിയ.എന്തായാലും ആരാധകര് കാത്തിരുന്നത് പോലെ ഈ താരജോഡികളുടെ വിവാഹതീയ്യതി ഉടനെ തന്നെ പുറത്ത് വരുമെന്നാണ് പ്രതീക്ഷിക്കുന്നത്. ഇതുവരെ കണ്ടത് പോലെ തന്നെ ഇന്ത്യയിലെ ഏറ്റവും വലിയ വിവാഹങ്ങളില് ഒന്നായിരിക്കും ഇതെന്നും വ്യക്തമാണ്.
ബോക്സ് ഓഫീസില് റെകോഡ് കളക്ഷനുമായി മുന്നേറുന്ന ആര്ആര്ആര് ആണ് ആലിയയുടെ അവസാനം പുറത്തിറങ്ങിയ ചിത്രം. രണ്ബീറിനൊപ്പം അഭിനയിച്ച ബ്രഹ്മാസ്ത്ര ഈ വര്ഷം സെപ്റ്റംബര് ഒമ്പതിന് റിലീസ് ചെയ്യും.രണ്ബീറിനോട് തനിക്ക് ചെറുപ്പത്തില് തന്നെ ക്രഷ് ഉണ്ടായിരുന്നുവെന്ന് മുമ്പും പലപ്പോഴായി ആലിയ വെളിപ്പെടുത്തിയിട്ടുണ്ട്. രണ്ബീറിനെ ആലിയ ആദ്യമായി കാണുന്നത് 2005 ല് പുറത്തിറങ്ങിയ ബ്ലാക്ക് എന്ന സിനിമയ്ക്കായി ഓഡിഷന് ചെയ്തപ്പോഴായിരുന്നു.
രണ്ബീര് ചിത്രത്തിന്റെ സംവിധാകന് സഞ്ജയ് ലീല ബന്സാലിയുടെ അസിസ്റ്റന്റായി പ്രവര്ത്തിക്കുകയായിരുന്നു ആ സമയത്ത്.ഔദ്യോഗികമായി രണ്ബീറും ആലിയയും ആദ്യമായി പരിചയപ്പെടുന്നത് നടക്കാതെ പോയൊരു സിനിമയുടെ ഒരുക്കത്തിനിടെയായിരുന്നു. ആലിയയെ നായികയാക്കി ബന്സാലി ബാലിക വധു എന്നൊരു സിനിമ ചെയ്യാനിരിക്കുകയായിരുന്നു. ഈ സമയത്തായിരുന്നു ഇരുവരും പരിചയപ്പെടുന്നത്.
https://www.facebook.com/Malayalivartha
