ബോളിവുഡിലെ പ്രമുഖ സംവിധായകനിൽ നിന്ന് താൻ ​ഗർഭിണിയായെന്ന് വെളിപ്പെടുത്തി നടി മന്ദന കരീമി. ഒരുമിച്ചു ജീവിക്കാമെന്നും കുഞ്ഞിനെ ജന്മം നൽകാമെന്നും ഒന്നിച്ചു തീരുമാനിച്ചതാണ്. എന്നാൽ ​ഗർഭിണിയായപ്പോൾ സംവിധായകൻ വാക്കുമാറ്റി.നിർബന്ധിച്ച് ​ഗർഭഛിദ്രത്തിന് വിധേയയാക്കിയെന്നുമാണ് താരത്തിന്റെ വെളിപ്പെടുത്തൽ.

കങ്കണ റണാവത്ത് അവതാരകയായി എത്തുന്ന റിയാലിറ്റി ഷോയിലാണ്.നടി മന്ദന കരീമിയുടെ ഞെട്ടിപ്പിക്കുന്ന വെളിപ്പെടുത്തൽ.മന്ദനയുടെ തുറന്നുപറച്ചിൽ അടങ്ങുന്ന പ്രമോ വിഡിയോ പരിപാടിയുടെ അണിയറപ്രവർത്തകർ പുറത്തുവിട്ടിട്ടുണ്ട്. ലോക്ക്അപ്പ് എന്ന ഷോയിലെ രഹസ്യങ്ങൾ വെളിപ്പെടുത്താനുള്ള ടാസ്കിലാണ് മത്സരാർത്ഥിയായ മന്ദനയുടെ തുറന്നു പറഞ്ഞത്.

‘ആദ്യ പങ്കാളിയായ ​ഗൗരവ് ​ഗുപ്തയുമായി വേർപിരിഞ്ഞതിന് ശേഷം ബോളിവുഡിലെ പ്രശസ്തനായ ഒരു സംവിധായകനുമായി രഹസ്യബന്ധത്തിലായിരുന്നു. ഒരുമിച്ച് ജീവിക്കാമെന്നും കുഞ്ഞിന് ജന്മം നൽകാമെന്നും ഞങ്ങളിരുവരും ചേർന്ന് പദ്ധതിയിട്ടതാണ്. എന്നാൽ ​ഗർഭിണിയായപ്പോൾ ആ സംവിധായകന്റെ വിധം മാറി. അതോടെ ആ കുഞ്ഞിനെ നശിപ്പിക്കേണ്ടിവന്നുവെന്ന് കണ്ണീരോടെയാണ് മന്ദന തനിക്കു നേരിട്ട ദുരനുഭവം തുറന്നുപറഞ്ഞത്. ആ സമയത്ത് ഞാനാകെ തകർന്നിരിക്കുകയായിരുന്നു.

സ്ത്രീകളുടെ അവകാശങ്ങളെക്കുറിച്ച് നിരന്തരം ശബ്ദമുയർത്തിയ ആളായിരുന്നു സംവിധായകൻ. പലരുടേയും ആരാധനാപാത്രമായിരുന്നു.മന്ദനയുടെ വാക്കുകൾ കങ്കണയേയും മറ്റ് മത്സരാർത്ഥകളേയും കണ്ണീരിലാഴ്ത്തി. മന്ദനയെ മറ്റ് മത്സരാർത്ഥികൾ ചേർന്ന് ആശ്വസിപ്പിക്കുന്നതും വിഡിയോയിൽ കാണാം. ഇറാനിയൻ മോഡലായ നടി ‘റോയ്’ എന്ന ബോളിവുഡ് ചിത്രത്തിലൂടെയാണ് അഭിനയരംഗത്തെത്തുന്നത്. ബിഗ്ബോസ് ഒൻപതാം സീസണിൽ സെക്കൻഡ് റണ്ണർഅപ്പ് ആയിരുന്നു.