ഒരു മലയാള സിനിമയിൽ പോലും അഭിനയിച്ചിട്ടില്ലെങ്കിലും മലയാളികൾക്ക് ഏറെ പ്രിയപ്പെട്ട താരമാണ് ആലിയ ഭട്ട്. കഴിഞ്ഞ ദിവസമായിരുന്നു നീണ്ട നാളത്തെ പ്രണയത്തിന് ശേഷമായിരുന്നു ആലിയ ഭട്ടിന്റേയും, രൺബീർ കപൂറിന്റേയും വിവാഹം. ബോളിവുഡ് താരങ്ങളായ ആലിയ ഭട്ടും രൺബീർ കപൂറും വിവാഹ ഫോട്ടോ പുറത്തുവന്നതിന് പിന്നാലെ ആരാധകരുടെ കണ്ണ് ആലിയയിലേക്കായിരുന്നു.

വിവാഹ ചടങ്ങിൽ നിന്നുള്ള ചിത്രങ്ങൾ ആലിയ സാമൂഹ്യ മാധ്യമങ്ങളിൽ പങ്കുവച്ചിരുന്നു. വിവാഹത്തിന് ആലിയ ധരിച്ചിരുന്ന വസ്ത്രം വലിയ രീതിയിൽ ചർച്ച ചെയ്യപ്പെടുകയാണ്. അധികമാരും ശ്രദ്ധിക്കാതെ പോയ നാല് കാര്യങ്ങളാണ് ഇപ്പോൾ ഇവരുടെ വിവാഹ വാർത്തയിൽ നിന്നും ആരാധകർ കണ്ടെത്തിയത്.

ആലിയ ധരിച്ചിരുന്ന ബ്ലൗസ് വളരെ ഭം​ഗിയുള്ളതാണ്. ഒരു പൂമ്പാറ്റയുടെ ചിത്രം ഇതിൽ വളരെ മനോഹരമായി ആലേഖനം ചെയ്തിട്ടുണ്ട്. അതും വളരെ ബ്ലൗസ് ഭം​ഗിയുള്ളതാക്കി തീർക്കുന്നുവെന്നു. കയ്യിൽ അണിഞ്ഞ ഒരു വളയിൽ മേഘങ്ങളും ഇൻഫിനിറ്റി സൈനും രേഖപ്പെടുത്തിയ ഹാ​​ഗിംങ് കെട്ടിയിരുന്നു. ഇതിൽ മേഘങ്ങളും ഇൻഫിനിറ്റി സൈനും രേഖപ്പെടുത്തിയിട്ടുണ്ട്.

കൂടാതെ ഇരുവരും പറഞ്ഞ് പ്രത്യേകമായി പണിയിച്ച താലിമാല ആണ് ആലിയ അണിഞ്ഞിരിക്കുന്നത്. ഏകദേശം എട്ടു എന്ന നമ്പറിനെ പോലെ തോന്നിക്കുന്ന താലിമാല ആണ് ആലിയ പണിയിച്ചത്. വരൻ രൺബീർ കപൂറിൻ്റെ ഇഷ്ട നമ്പറാണ് 8 എന്ന് പറയപ്പെടുന്നുണ്ട്.

അതേസമയം വളരെ മിനിമൽ ആയിട്ടുള്ള മേക്കപ്പ് ആണ് ആലിയ ധരിച്ചിരിക്കുന്നത്. ‘നോ മേക്കപ്പ് ലുക്ക്’ എന്ന് വിളിക്കപ്പെടുന്ന മേക്കപ്പാണ് ആലിയ ഉപയോഗിച്ചിരിക്കുന്നത്.അനാവശ്യമായി ആഭരണങ്ങൾ വാരിവലിച്ചിടാതെ വളരെ ഭം​ഗിയുള്ളവ മാത്രമാണ് ആലിയ ധരിച്ചിരിക്കുന്നത്.

വ്യാഴാഴ്ച മുംബൈയിലായിരുന്നു വിവാഹ ചടങ്ങ്. മുംബൈയിലെ ബാന്ദ്രയിൽ നടന്ന വിവാഹ ചടങ്ങിൽ കരീന കപൂർ, സെയ്ഫ് അലി കാൻ, കരിഷ്മ കപൂർ എന്നിവരുൾപ്പെടെ അടുത്ത സുഹൃത്തുക്കളും കുടുംബാംഗങ്ങളുമാണ് പങ്കെടുത്തത്. വിവാഹ ചിത്രങ്ങള്‍ കാണാനായി സമൂഹമാധ്യമങ്ങളിൽ ആരാധകർ കാത്തിരിക്കുകയായിരുന്നു. എന്നാൽ രാത്രി വൈകിയോടെയാണ് ചിത്രങ്ങൾ പുറത്തുവന്നത്.