കഴിഞ്ഞ കുറച്ച് ദിവസങ്ങളായി ഏവരെയും അമ്പരപ്പിക്കുന്ന ഫോട്ടോഷൂട്ടുമായി തരംഗം തീർത്തയാളാണ് രൺവീർ സിംഗ്. അത്തരത്തിൽ നടന്റെ ഫോട്ടോകളെ അനുകൂലിച്ചും പ്രതികൂലിച്ചും നിരവധിയാളുകൾ എത്തുകയുണ്ടായി. റിസ്‌ക് ഏറ്റെടുക്കാൻ ഭയമില്ലാത്ത വ്യക്തിയെന്നും വ്യത്യസ്തനെന്നും നിരവധി പേർ താരത്തെ അഭിനന്ദിക്കുകയുണ്ടായി. എന്നാൽ മറ്റ് ചിലർ ചിത്രങ്ങൾക്ക് താഴെ രസകരമായ കമന്റുൾ പങ്കുവയ്ക്കുകയുണ്ടായി.

അതോടൊപ്പം തന്നെ ന്യൂയോർക്ക് ആസ്ഥാനമായി പ്രവർത്തിക്കുന്ന പേപ്പർ മാഗസിനുവേണ്ടിയായിരുന്നു പൂർണ നഗ്നനായി താരം പോസ് ചെയ്‌തത്. ബോളിവുഡിലെ അവസാനത്തെ സൂപ്പർസ്റ്റാർ എന്ന അടിക്കുറിപ്പോടു കൂടിയാണ് മാസിക താരത്തിന്റെ ചിത്രങ്ങൾ പങ്കുവച്ചിരിക്കുന്നത്.

എന്നാൽ ഇപ്പോഴിതാ താരത്തിനോട് ഒരിക്കൽക്കൂടി നഗ്നനായി ഫോട്ടോഷൂട്ട് ചെയ്യാമോയെന്ന് ചോദിച്ചിരിക്കുകയാണ് മൃഗാവകാശ സംഘടനയായ പീപ്പിൾ ഫോർ ദി എത്തിക്കൽ ട്രീറ്റ്‌മെന്റ് ഒഫ് ആനിമൽസ് (പെറ്റ). സസ്യാഹാരം പ്രോത്സാഹിപ്പിക്കുന്നതിന്റെ ഭാഗമായുള്ള ക്യാംപെയിനിനാണ് താരത്തെ ക്ഷണിച്ചിരിക്കുന്നത്. അതേസമയം താരം ഇതിനോട് ഇതുവരെ പ്രതികരിച്ചിട്ടില്ല.