'രക്ഷാബന്ധന്‍' എന്ന ചിത്രത്തിലെ നടി സാദിയ ഖത്തീബ് നടത്തിയ ഒരു വെളിപ്പെടുത്തൽ ശ്രദ്ധേയമാകുകയാണ്. സ്ത്രീധനത്തിന്റെ പേരില്‍ തന്റെ അദ്ധ്യാപികയെ ഭര്‍തൃവീട്ടുകാര്‍ ജീവനോടെ കത്തിച്ചെന്നാണ് സാദിയ വെളിപ്പെടുത്തിയിരിക്കുന്നത്. സ്‌കൂള്‍ പഠനകാലത്തെ തന്റെ കമ്പ്യൂട്ടര്‍ അദ്ധ്യാപികയ്ക്കാണ് ഈ ദുരവസ്ഥ നേരിടേണ്ടി വന്നത്.

വളരെ സന്തോഷവതിയായി കാണപ്പെട്ടിരുന്ന തന്റെ ടീച്ചര്‍ വിവാഹത്തിന് ശേഷം വളരെ ഒതുങ്ങി . കുറച്ചു ദിവസങ്ങള്‍ കഴിഞ്ഞപ്പോൾ അവരുടെ മരണവാര്‍ത്ത കേട്ടു. വിവാഹത്തിനു പിറ്റേ ദിവസം മുതല്‍ക്കേ അവരോട് ഭര്‍തൃവീട്ടുകാര്‍ സ്ത്രീധനം ആവശ്യപ്പെട്ടു. ഭര്‍തൃവീട്ടുകാര്‍ തന്റെ അദ്ധ്യാപികയെ സ്ത്രീധനത്തിന്റെ പേരിൽ ജീവനോടെ ചുട്ടു കൊന്നതാണെന്ന് നടി പറഞ്ഞു.

ഇത് വളരെ സെന്‍സിറ്റീവായ വിഷയമാണെന്നും ഗൗരവമായിക്കാണേണ്ട ഒന്നാണിതെന്നും നടി പറഞ്ഞു. സോഷ്യൽ മീഡിയയിൽ സജീവമാണ് താരം. ഫോട്ടോസും മറ്റും വളരെ പെട്ടെന്ന് തന്നെയാണ് വൈറലായി മാറുന്നുണ്ട്. ഇപ്പോൾ ഇതാ ഈ അഭിമുഖം വൈറലായി മാറിയിരിക്കുകയാണ്.