ബാഹുബലി എന്ന ചിത്രം പ്രേക്ഷകരെ അമ്പരപ്പിച്ച ഒരു സിനിമയാണ്. ബോക്‌സ് ഓഫീസ് റെക്കോഡുകള്‍ ചിത്രത്തില്‍ രമ്യ കൃഷ്ണന്‍ അവതരിപ്പിച്ച ശിവകാമി എന്ന കഥാപാത്രത്തിനായി ആദ്യം സംവിധായകൻ സമീപിച്ചത് നടി ശ്രീദേവിയെയാണ്. ശ്രീദേവി ഈ റോള്‍ നിരസിച്ചതോടെയാണ് രമ്യ കൃഷ്ണനിലേയ്ക്ക് കഥാപാത്രം എത്തുന്നതെന്ന് വാര്‍ത്തകളുണ്ടായി. ശ്രീദേവിക്കെതിരെ അന്ന് രാജമൗലി പരസ്യമായി ചില പരാമര്‍ശങ്ങൾ നടത്തി. ശ്രീദേവി വന്‍ പ്രതിഫലമുള്‍പ്പെടെയുള്ള ഡിമാന്റുകള്‍ വെച്ചതോടെ ശ്രീദേവിക്ക് പകരം രമ്യയെ പരിഗണിച്ചതെന്ന് രാജമൗലി പറഞ്ഞു .

ശ്രീദേവി ബാഹുബലി ചെയ്യാതിരുന്നത് നന്നായെന്നും രാജമൗലി പറയുകയുണ്ടായി. ഫൈവ് സ്റ്റാര്‍ ഹോട്ടലിലെ ഒരു ഫ്‌ലോര്‍ മുഴുവനും തനിക്കായി ബുക്ക് ചെയ്യണം, മുംബൈയില്‍ നിന്നും ഹൈദരാബാദിലേക്ക് ബിസിനസ് ക്ലാസ് ടിക്കറ്റ് വേണം തുടങ്ങിയവയായിരുന്നത്രെ ശ്രീദേവി മുന്നോട്ടു വച്ച ഡിമാന്റുകള്‍. സിനിമയുടെ ബജറ്റിന് പുറത്തേക്ക് ഈ ചെലവുകള്‍ പോവുമെന്ന് വന്നതോടെ നിര്‍മാതാക്കള്‍ ആവശ്യങ്ങള്‍ നിരസിച്ചു. ശ്രീദേവി ബാഹുബലി ചെയ്യാതിരുന്നത് നന്നായെന്നും രാജമൗലി പറഞ്ഞു. എന്നാല്‍ സംവിധായകന്റെ പരാമര്‍ശം ശ്രീദേവിയെ ചൊടിപ്പിച്ചു.

മം എന്ന സിനിമയുടെ പ്രൊമോഷന്‍ പരിപാടികള്‍ക്കിടെ നടി ഇത് തുറന്ന് പറഞ്ഞു . ‘അദ്ദേഹം ഇങ്ങനെ സംസാരിക്കുമെന്ന് എനിക്ക് വിശ്വസിക്കാന്‍ പറ്റുന്നില്ല.ഡിമാന്റുകള്‍ മുന്നോട്ട് വെക്കുന്ന ഒരാളല്ല ഞാന്‍. ബാഹുബലിയില്‍ സംഭവിച്ചത് കഴിഞ്ഞ കാര്യമാണ്. എന്തിനാണ് അതേപറ്റി ഇപ്പോള്‍ സംസാരിക്കുന്നത്. നേരത്തെ നിരവധി റോളുകള്‍ ഞാന്‍ വേണ്ടെന്ന് വെച്ചിട്ടുണ്ട്. നിങ്ങള്‍ ചെയ്യാത്ത സിനിമകളെ പറ്റി സംസാരിക്കുന്നത് വളരെ മര്യാദയില്ലാത്ത കാര്യമാണെന്ന് ഞാന്‍ കരുതുന്നു,’

എന്നും ശ്രീദേവി പറഞ്ഞിരുന്നു. പിന്നീട് പരാമര്‍ശത്തില്‍ ഖേദമുണ്ടെന്ന് രാജമൗലി വ്യക്തമാക്കി. അതേസമയം ബാഹുബലിയുടെ രണ്ടാം ഭാഗവും സൂപ്പര്‍ഹിറ്റായിരുന്നു. ചിത്രത്തില്‍ പ്രഭാസ്, റാണ ദഗുപതി, അനുഷ്‌ക ഷെട്ടി, തമന്ന, രമ്യ കൃഷ്ണന്‍, സത്യരാജ് തുടങ്ങിയവരായിരുന്നു പ്രധാന കഥാപാത്രങ്ങളായി എത്തിയിരുന്നത്.