ഗ്രൗണ്ട് സീറോയുടെ ഷൂട്ടിംഗിനിടെ കശ്മീരിലെ പഹൽഗാമിൽ വെച്ച് നടൻ ഇമ്രാൻ ഹാഷ്മിക്ക് നേരെ കല്ലേറ് നടന്നെന്ന് വാർത്തകൾ പ്രചരിച്ചിരുന്നു. എന്നാൽ വിഷയത്തിൽ പ്രതികരണവുമായി താരം തന്നെ നേരിട്ട് എത്തിയിരിക്കുകയാണ്. തനിക്ക് നേരെ ആക്രമണമുണ്ടായെന്നത് തെറ്റായ വാർത്തയാണ്. കശ്മീർ ജനത തന്നെ ഏറെ സ്നേഹത്തോടെയാണ് സ്വീകരിച്ചത് എന്നാണ് നടൻ ട്വിറ്ററിൽ കുറിച്ചത്.

കശ്മീർ ജനത ഏറെ സ്നേഹത്തോടെയാണ് സ്വീകരിച്ചത്. ഊഷ്‌മളമായ വരവേൽപ്പായിരുന്നു. ശ്രീനഗറിലും പഹൽഗാമിലും ചിത്രീകരണത്തിനെത്താൻ കഴിഞ്ഞു എന്നത് ഏറെ സന്തോഷമുള്ള കാര്യമാണ്. എനിക്ക് നേരെ കല്ലേറുണ്ടായെന്ന വാർത്ത തെറ്റാണ്’, ഇമ്രാൻ ഹാഷ്മി ട്വീറ്റ് ചെയ്തു.

മാധുരി ദീക്ഷിതിന്റെ ആദ്യ മറാത്തി ചിത്രമായ ബക്കറ്റ് ലിസ്റ്റിലൂടെ അഭിനയരംഗത്തേക്ക് കടന്നുവന്ന തേജസ് ദിയോസ്‌കർ സംവിധാനം ചെയ്യുന്ന ചിത്രത്തിന് വേണ്ടിയാണ് ഇമ്രാൻ സായ് തംഹാങ്കറുമായി ഒന്നിച്ചത്. ഇമ്രാൻ ആർമി ഓഫീസറുടെ വേഷത്തിലും സായി ഭാര്യയുടെ വേഷത്തിലും എത്തുന്നുവെന്നാണ് റിപ്പോർട്ട്.