പ്രശസ്ത നടി സീമ ഡിയോ (81) അന്തരിച്ചു. വാര്‍ധക്യ സഹജമായ അസുഖങ്ങളെത്തുടര്‍ന്ന് ബാന്ദ്രയിലെ വീട്ടിലായിരുന്നു അന്ത്യം. സീമയുടെ ഭര്‍ത്താവും നടനുമായ രമേശ് ഡിയോ കഴിഞ്ഞ വര്‍ഷമാണ് മരിച്ചത്.


ചലച്ചിത്ര സംവിധായകന്‍ അഭിനയ് ഡിയോ, നടന്‍ അജിങ്ക്യ ഡിയോ എന്നിവരാണ് മക്കള്‍.ആനന്ദ്, കോറാ കാഗസ് തുടങ്ങിയ ഹിന്ദി ചിത്രങ്ങളിലെ വേഷങ്ങളിലൂടെയാണ് താരം അറിയപ്പെട്ടു തുടങ്ങിയത്. എണ്‍പതുകളില്‍ ഹിന്ദി, മറാത്തി സിനിമയില്‍ സജീവമായിരുന്നു. മൂന്നു വര്‍ഷമായി പൊതുവേദിയില്‍ നിന്ന് അകന്നുനില്‍ക്കുകയായിരുന്നു നടി. എണ്‍പതിലേറെ ഹിന്ദി സിനിമകളില്‍ വേഷമിട്ടിട്ടുണ്ട്.