77-ാം കാന് അന്താരാഷ്ട്ര ചലച്ചിത്രോത്സവത്തിലെ 'ഗ്രാന്ഡ് പ്രി' പുരസ്കാരം പായല് കപാഡിയയുടെ 'ഓള് വി ഇമാജിന് ആസ് ലൈറ്റി'ന്
77-ാം കാന് അന്താരാഷ്ട്ര ചലച്ചിത്രോത്സവത്തിലെ 'ഗ്രാന്ഡ് പ്രി' പുരസ്കാരം പായല് കപാഡിയയുടെ 'ഓള് വി ഇമാജിന് ആസ് ലൈറ്റി'ന് . കാന് ചലച്ചിത്രോത്സവത്തില് അഭിമാനമായി ഇന്ത്യയും മലയാളവും.
മുംബൈ സ്വദേശിയായ പായല് കപാഡിയ എന്ന സംവിധായിക ഒരുക്കിയ 'ഓള് വി ഇമാജിന് ആസ് ലൈറ്റ്' എന്ന ചിത്രത്തിനാണ് ഇത്തവണ മികച്ച രണ്ടാമത്തെ ചിത്രത്തിനുള്ള ഗ്രാന്ഡ് പ്രീ പുരസ്കാരം. ഈ നേട്ടം സ്വന്തമാക്കുന്ന ആദ്യ ഇന്ത്യന് സിനിമയെന്ന ചരിത്ര നേട്ടവും ചിത്രം സ്വന്തമാക്കി.
മലയാളത്തിലും ഹിന്ദിയിലും ഒരുക്കിയ ചിത്രത്തില് കേന്ദ്ര കഥാപാത്രങ്ങളായി എത്തിയത് മലയാളി താരങ്ങളായ ദിവ്യപ്രഭയും കനി കുസൃതിയുമാണ്. 22 ചിത്രങ്ങളാണ് മത്സര വിഭാഗത്തില് ഉണ്ടായിരുന്നത്. ഗോള്ഡന് പാമിനായി മത്സരിച്ച ചിത്രത്തിന്റെ പ്രിമിയര് വെള്ളിയാഴ്ച ആയിരുന്നു.
ആദ്യമായാണ് ഇന്ത്യന് സംവിധായികയ്ക്ക് ഗ്രാന്ഡ് പ്രി ലഭിക്കുന്നത്. 80 ശതമാനവും മലയാളഭാഷയിലുള്ള ചിത്രത്തിലെ കേന്ദ്രകഥാപാത്രങ്ങളായി അഭിനയിച്ചത് മലയാളികളായ കനി കുസൃതിയും ദിവ്യപ്രഭയുമാണ്. അസീസ് നെടുമങ്ങാടും ചിത്രത്തില് ഒരു കഥാപാത്രത്തെ അവതരിപ്പിച്ചിട്ടുണ്ട്.
വെള്ളിയാഴ്ച കാനില് പ്രദര്ശിപ്പിച്ച ചിത്രത്തിന് വന് സ്വീകരണമാണ് ലഭ്യമായത്. കാണികള് എഴുന്നേറ്റുനിന്ന് എട്ടുമിനിറ്റ് കൈയടിച്ചു. പ്രഭ (കനി കുസൃതി), അനു (ദിവ്യപ്രഭ) എന്നീ മലയാളി നഴ്സുമാരുടെ മുംബൈ ജീവിതത്തിലെ സംഘര്ഷങ്ങളുടെയും അതിജീവനത്തിന്റെയും കഥയാണ് 'ഓള് വി ഇമാജിന് ആസ് ലൈറ്റ്.'
"
https://www.facebook.com/Malayalivartha
